Carson & Friends 與你風雨同路！即使是釣墨魚也不例外。

既然是風雨同路，當然就有風（前天是三號風球高高掛），亦有雨（當天有大雨）。
眾參加者都深恐要頂著大浪，冒著大雨地釣墨魚！

 
其實上天又怎會待薄 Carson & Friends呢？當到達目的地後，就不再下雨了！眾人都可安心爭奪墨魚守護者的寶座，同場更加映了激烈的棋王爭霸戰。

 
船舷上，「我釣到啦！我釣到啦！」的聲音此起彼落。船艙內，驚呼聲、大笑聲也從未停歇。


經過三個小時與墨魚鬥智鬥力，我們有十多條收獲。

回航之時又再灑雨，感謝上天的眷顧，讓我們整個旅程都享受清風，不被雨打 !
家友夜會捉賊團在歡樂的氣氛下完成任務

會員感想:

一年一度家友夜會捉賊團已經完結,雖然天光也是不造美，常下著大雨及毛毛雨,不過也無損大家興致耐心垂釣結果成果也不錯~~釣出十多條墨魚

在此多謝各位家友朋友支持及參與亦多謝 Edward 為大家營造開心熱鬧棋園天地，希望再有機會，再舉辦不同海上活動，大家繼續支持我地...
By shirley


一句風雨同路,幾時都咁有威力.開船的時候傾盆大雨,到準備釣的時候又風平浪靜,十幾條的墨魚仔,詠琳小妹妹的連中三元絕技以及菜鳥自備戰利品最為全場觸目.

辛苦哂康樂組又同我地搞了一次成功的捉賊團,也多謝Edward哥哥帶來的超級無敵來玩極唔悶外國棋幾副!
By carson


個天其實對我地不薄, 兩年都係咁樣。之前都是落大雨的, 但一到活動時間, 即時不再下雨了。
直到我們活動完結後, 在回程時才下雨。

因為咁, 所以天氣不很悶熱, 又有涼風送爽。感謝上天, 為我們帶來涼快的微風, 又為我們帶來幾個小時的好天氣，感謝大家熱情的參與，多謝大家！
By ronald


一出到海風平浪靜, 無驚無險安全渡過，雖然一如以往唔Expect釣到野亦唔太希望釣到野
多謝晒棋王Edward揹左N磅重既card game教大家玩又要幫大家影相，米米多ｄ帶琳琳出黎玩啦, 佢真係好攪鬼，辛苦晒安排活動既康樂組！
By lamji


雖然釣唔到金龜.... 但同新朋友 - SO 大人合力釣左一條墨魚 !YEAH ~ 我用美色... 她用念力 ! 得左 !!

Anyway ~ 真的多謝康樂組又再次為我們帶來娛樂 !多謝Edward 提供broad game !
多謝天雨收放自如 ~ 釣時冇咩雨, 上船, 走時才下雨 !!多謝各位 ~ 當晚真係好開心!!! By iris


多謝晒棋王Edward咩左N磅重既card game教大家玩又要幫大家影相N磅重豈止Card Game，還有超級重的相機，簡直體能訓練!card game亦帶比我地無限歡樂，希望我冇講錯，唔洗比我一張收嗲卡!haha!
By Jerry