相信不少C&F義工都不會對安徒生會這個名字感到陌生，這次是我們首次跟安徒生會位於竹園北村的另一個Centre竹園中心合作，為炎炎夏日打響頭炮，打破局限舉行一個以濕身玩水為主的嘉年華。
義工們以沙灘裝上陣，做好濕身準備，帶來一系列的玩水遊戲把竹園村足球場化成一個水世界，為區內居民帶來一個既新鮮又歡樂的夏日活動！

等我來直擊現場熱鬧場面：

一大朝早一班義工幫手佈置場地，夾手夾腳Set好各攤位遊戲帳篷先。

上面果個哥哥擒咁高究竟嚮樹做乜呢？原來一陣水戰一觸即發，唔封好圍欄好易誤傷場外嘅無辜途人，果然係安全第一既工程部！

咦？水戰？無錯！！！ 活動開始打頭陣黎個水彈混戰熱下身先喇！一班義工蓄勢待發～

參加者化身成兩組勇士，分別要用投彈器發射水彈將對面陣營既目標擊中，真係少Ｄ眼界都唔得。

正所謂水彈無眼，分分鐘仲會自己人擊中自己人架。見到Ｄ參加者玩完又再排過，玩到唔捨得走，現場水彈橫飛，笑聲處處，就知到有幾好玩刺激喇！

幕後既製彈工場

不過講到考眼界，唔去神射手水槍區挑戰下點得呢？

唔好以為就咁睇咁易，義工為左增加難度花左好多心思製作古惑的罐，唔係咁易射得跌架～嘿嘿，無Ｄ技巧只會白白浪費彈藥，射得晒仲會有獎品送添。

報告報告：發現疑似狙擊手（好似真係有板有眼咁播！）

不過點解射射下會有Ｄ泡泡飄埋黎既？唔通瞄準得太耐眼花？

其實係隔離檔既泡泡機工作坊呀！
一個杯一條毛巾同飲管就可以吹出泡泡，唔係講笑架，即場版開心大發現！

唔怪得隔離攤位咁熱鬧咁多小朋友黎學製作泡泡喇～全場幻化成主題泡泡王國！

“五隻雞加五隻龜”....“五個波加五隻雞”........

玩玩下水無喇喇點解會聽到急口令呢？

之唔係鬥快撈鴨仔水池區囉！義工每次特定要撈既項目都唔同架，務求提高難度殺大家一個措手不及！結果攪到一班大人細路玩到Wee哇鬼叫，原來撈鴨仔都可以咁玩架！

講到興奮，隔離檔既“超級無敵獎門人包剪耷潑水區”戰況都好激烈！反應慢Ｄ都分分鐘成身濕晒，不過天氣咁熱，睇佢地玩到連傘都唔用就知大家早有準備喇～！

全場仲有全方位人手操作水槍灑水系統不定期向參加者噴水，真係入得場都唔駛旨意乾身而退！

經過一連串咁刺激好玩既濕身玩水遊戲，真係咩熱都唔記得晒喇！邊個話夏天淨係可以留嚮屋企嘆冷氣？

看我們就知道什麼是助人自樂 ?

濕身前
濕身後

以下是部份義工的感想:

由早上10:00開始setup, 一直到17:00活動結束,大家都可以講是沒有停過手的.多謝所以幫手setup的會員,看到大家很認真地把工具整理同測試,連大會都讚揚我地 C&F是一批有質素的義工.另外今次都要多謝另一邊廂的義工Leo & Friends,沒有他們的幫手, 我地都唔夠人去run哂所有攤位,也多謝安徒生的青年義工, 果然會搞氣氛,唔係一班hea hea 青年人,讚!

By Carson

真的好開心，看到各攤位義工朋友非常落力令在場小朋友玩得好開心及盡興。
滿地都是水彈及泡泡充滿夏日感覺，多謝各位籌備小組，帶給我們一個開心充滿夏日陽光色彩活力的一天！

By Shirley

不一樣的嘉年華...............
我見到不論小朋友還是家長都玩得好投入。我仲見到有個小小朋友帶左支私伙水槍落黎添。哈哈!!

By 白骨

聽到有小朋友跟他的朋友說：這個真係好好玩呀!  所以真係要多謝各位統籌想出這麼好玩的遊戲, 令到所有小朋友都玩得咁開心~~

By Sabrina

一個別開生面的泡泡王國嘉年華......
超中意玩水的我，從來沒有想過可以在足球場玩水水。除了為孩子們帶來歡樂外，義工們亦玩得投入！
正如Carson所講，要有安徒生會對Carson & Friends的信任，才可造就這次的成功！
感謝各方工作單位，令我可以再一次助人自樂！

By Maggie

真係一個別開生面嘅嘉年華,  之前無諗過以水做主題係咁受歡迎, 仲要係咁短時間之內籌備. 各位義工試玩時都好細心研究該遊戲之可行性, 安全問題連能否帶給參加者樂趣也考慮到. 大家都超級投入, 同參加者互相感染, 盡慶而返.
希望下年有機會再參與以水為主題嘅義工服務. 真係好好好好玩呀!!!!

By Gwen

星期日得確很開心! 現在腦海仍然記起當天一部份的畫面, 我記得有位媽咪, 抱住"BB"主動叫我用水槍,射佢O個"BB"隻腳仔手仔. O個"BB"見到水不停笑, 好開心. 還有見到一對兄弟. 第一次見佢哋時係着街坊裝. 轉個頭見到佢哋, 已經返O左屋企換咗件"泳裝" 很利害. 非常可愛.
這個活動, 最令我心刻都莫過於是 "燦爛的笑容". 由內心發出來的笑容是最美麗的.

感謝主!