一舉兩得聽得多，一舉三得又遇過未？
又可捐款、又可買好書、又可環保！ 就是一年一度「舊書回收義賣大行動」啦 !

今年「舊書回收義賣大行動」籌得的善款將支持宣明會重建陝西省大荊中學殘破的校園，讓學生能在安全舒適環境中學習，達成「書中自有脫貧路」之目的。

 
C&F分別於9/8/2009來到鑽石山荷里活廣場 及 16/8/2009 來到黃埔新天地參與「舊書回收義賣大行動」，大家齊來看看當日盛況：

你是當中的尋寶者嗎？

我們就是“整理書海專員”啦 !

「捐款義買，請往呢邊 !」

排隊、點算、捐款、蓋印

舊書找到新的有心人啦！

節錄我們的分享：

正如預期一樣,人流很多.每位來的市民就好像來參加尋寶遊戲,在書櫃行間逐一細看,看到他們找到自己的心頭好,滿面笑容的把捐款投入捐款箱.遠方的陜西省商州區大荊中學的同學也送上一聲多謝!
助人自樂, 就是這樣簡單!
By Carson

看著每一位市民選購了自己心頭好，滿心歡喜來到收銀處，拉喼來，自備購物袋一一都有，他們買得好開心，我們也看得好開心，捐款箱得到這麼多人填滿了也更加開心。證明這一個活動是這麼深受大家歡迎！人人愛閱讀！也令偏遠地方小朋友有書讀！！
By Shirley

今次服務都好感受到義工之間互相感染既力量，除左C&F自己本身既義工外，其他義工見大家都執得咁落力ｏｒ我地唔夠高唔夠力時都會來幫下手，咁執執下本來無執開既又會執埋一份！
縱使”貿”低”桔”高幾粒鐘都有ｄ腰酸背痛好鬼累仲成身汗，但係勞動過後一定比夢遊五粒鐘滿足感大得多！
By Lamji

見到別人選到好書, 會好開心 ! 
見到各人不介意"執二攤"之餘, 仲表現出執到寶的喜悅 !  真係好值得開心 !
大家更自備購物袋、喼來藏寶 !  看來香港市民也開始習慣BYOB !
呢個活動真係好有意義 ;  捐書的騰出空間迎接其他好書, 買書的得到知識的財富 ; 受惠者得到讀書的機會 !
By Iris

見到啲大錢箱一早被捐滿, 我忽然有種滿足感, 因為間接黎講呢間學校我都有份起呢, hahaha!!!
期待下年再參加!!! 黃埔嘅朋友仔加油呢!!!
By Gwen

這類義賣二手書活動很有意義，有機會真係要再去支持下(我意思係去買書 )，又環保、又可以以平宜既價錢買到精美既書籍(當然你要細心咁去尋寶喇！)，而且又可以做善事，簡值一舉數得，又何樂而不為呢！
By Peggy
 
第一次參與宣明會一年一度既舊書義賣~ 被編入大大力朋友中既精選隊 - 執書，搬書，上書...
我發現義賣啲書櫃識魔法架，岩岩將啲書排放好，轉眼間啲書又會回覆返橫直鈄的模樣。
魔法書櫃係會令人越黎越著迷，好多善長都問我開放時間，話要聽日再約朋友再黎尋寶。
By 白骨

最特別的經歷係:

1) 一對夫婦 (我估佢哋係) 買書, 買咗 95 蚊, 唔夠散紙, 決定俾 100 蚊, 拍檔見佢哋冇拎購物袋, 提議佢哋買一個袋住啲書, 本來佢哋仲諗緊, 我就話 "頭先有五蚊剩嘛, 加多五蚊就有個比惠X或者百X更好用的環保袋喎" 結果? 咪成功將 10 蚊的環保袋SELL咗出去 (下晝六點至割價做 10 蚊個咋)......
By 雪晴
 
見到客人起我地整理好既書揀到佢既心水, 真係好開心架.
By Edward

把聲都沙左了
By Kenny
 
根據觀察, 差唔多一半的善長都係爸爸媽媽買兒童書比小朋友 (有個媽媽買左 4x 本呀), 非常好的現象~ 唔算多人會比多過自己實際要比既金額 (我收$既 counter), 不過有個媽媽搵極都搵唔夠散紙的時候, 忽然驚醒係做善事, 於是就捐多左~
By Greeny
 
將D書執好係我平時嗜好!
眼見D書被人放在書頂上(會令下面D書易爛D)，一些書被迫到山涯(書架後面的空隙)，一些書就被平放在無人能見的架邊...
我都會出手拯救佢地!
慢慢見到有些小說被放在一起...開始感到有人和我一樣執書上癮...所以我亦靜悄悄地協助!(後來我知誰定傑作啦 ) Edward!
在我的協助下見到亦舒和衛斯理的書慢慢成隊...感覺都幾滿足!我仲聽到有客打電話問朋友欠哪本衛斯理!係大家群策群力的努力下，上半場的書尚算整齊!
By EC

唔知係唔我太似月台助理 ,  好多人都向我查詢
雖然今次做得唔太好, 不過下年會再參加過, 會做得更好, yeah ~~~~
By Lau Lau

今次係第一次參與舊書義賣活動... 比起我想像中, d 人都好守規矩, 同埋都唔係十分之混亂, 雖然都有 d 媽媽係到爭先恐後搵書, 不過都係係控制範圍之內.....
By Helen

看過我們的服務後感，相信今年錯過了的一定覺得：走寶………
不打緊！下年再來過！
齊來書海尋寶， 助學又自學！