首先由教練教授各位執龍槳的姿勢及坐姿，雖然起初大家有些協調不一致，以致龍舟有少許左搖右擺，不過大家在練習過程中，各自提出了解決方法，發揮十足的團隊精神，齊齊合力發功，衝向終點，就連教練都大讚 "好齊喎"！

經過今次試行，大家都發覺划龍舟實在不可以單靠個人力量，看著大家向著同一目標前進，這一股動力及魄力實在是一種無比推動力，到最後大家也成功合力划回終點！

部份會員活動後感:

首次舉行龍舟試行，終於在天朗氣清下順利完成，各位男士也發揮了他們英雄氣概，負責將大型龍舟推到出公海，我們各分成 7 段，首先由我們教練 "威" 帶領及領導我們手執龍掌的姿勢及坐姿，起初大家也是由一組組....以至團隊一起合力發功力時候，雖然遇上有些協調不一致，以致龍舟有少許左搖右擺情況發生，不過大家在練習過程中，也各自提出了解決方法 "左邊的隊友就望著 Ronald 的動作，右邊的隊友就望著 Maggie 的動作，到最後衝回終點時候，就連教練都說"好齊喎"！

經過今次試行，真的發覺划龍舟實在不可以單靠一個人力量，看著大家向著同一目標前進，這一股動力及魄力實在是一種無比推動力，到最後大家也成功合力划回終點！

最後雖然大家也成為了濕水鴨，不過也樂疲於此！！
By Shirley

今早真係天公做美, 陽光普照呀!  
首先好多謝大家參加今次這個龍舟活動.  划龍舟是講求團結, 正正是各位家友仔女一向擁有的能量, 大家做好熱身, 出發喇!雖然我沒有跟大家落船, 但我對你們的合作發揮, 不會有任何猜疑.  教練都讚你地, 你地好叻呀!
By Sabrina

今日難得曬又唔係好曬　又無落雨　都真係算好好彩呀！晨咁早起身果一刻真係好想 繼續訓
但係玩落呢次都真係算係一次新體驗同阿妹講「我爬過龍舟啦！哇卡卡」　都不知幾勁呀！

從活動中又更加感受到　一個團體既運作唔係話你想點做　你識點做　就可以做得好
中間有人步伐唔一致　都會影響整個運行而更深既學問　就係你要點樣調整步履各人在絕對信任的情況之下跟著發施號令者變得極其重要呢

辛苦晒康樂組，多謝阿Sir，助教同自動灑水系統亨利同Alvin XD
By Lamji

今日真係好好玩~~
同 lamji 一樣~ 我一返屋企好巴閉咁同屋企人講......
[我爬過龍舟!!! 呵呵~ ]

又係嗚謝既時候喇~~
多謝有爬艇里數既 maggie 指導及幫我反攻某人們既水攻。
多謝助教掌舵可以令我哋無懼一切穿插各遊艇間,
多謝教練既鼓勵我哋參加黎緊既亞洲賽...............
多謝康樂組又約教練，又book 地方~~ 跟住仲帶我哋去搵[隠世美食]~~多謝晒~
By 白骨

好多謝康樂組搞左今次龍舟體驗!
好耐未玩過水上活動，真係幸好個天都俾機會我!
開頭以為會很累，很擔心自己體力，腰力，臂力...
不過似乎還可以喎(當然...比賽練習又唔同架喇)
習慣步操的我，當然夾大家很容易啦(我好有信心同Maggie,Alvin同一節奏架,當然我睇唔到Ronald, Edward啦!)
雖然有諗過耍落水，但估唔到係好似洗面咁...半邊面被海水狂潑(總覺得唔關前面或自己事)
By EC