C & F 今次參與的義工活動 ─ 樂智協會中秋嘉年華 ─ 是藉著邀請大眾一同慶祝中秋節，讓更多社區人士接觸和認識智障人士，亦為12歲或以上的輕至中度智障人士提供社交及康樂活動。
點解個個捐紙箱、又剪又貼、 又鑽釘？？？？？
大家做緊 D 咩 ……？係唔係一個迷………？
登~登~登~登~謎底解開喇！
原來係整緊攤位遊戲！！兩個攤位都各具特色 ：
“家友中秋有 D 乜”就是考考參加者找得出幾多中秋節應節物品 ; 主辦單位更讚賞這個“一柱擎天”造型有創意！
找完應節物品，當然要齊齊去賞月啦！另一遊戲“中秋家友去邊度”就是要參與者帶家友四處找一個賞月好景點。
除攤位遊戲外，仲有猜燈謎~
不過參加者包括義工們都玩得投入開心，其實已經足夠喇！
以下是部分義工的感想:
第一次做籌備工作, 原來真係好多0野要學習,多謝各位籌備小組成員一齊腦震盪,
將想法變成真實, 多謝 2 位統籌從旁提點 更加多謝大家將簡單遊戲變成充滿娛樂性,
令玩0既人非常開心 ~~~~
By Wendy
家友中秋有啲乜：能夠發揮創意將一個簡單既遊戲變得吸引有趣，等參加者同義工都能樂在其中，也令大會覺得大開眼界。
中秋家友去邊到：大家好熟悉但係又未玩過既遊戲，都有唔少挑戰者！
今次真係辛苦晒攤位籌備小組，負責慳家搜羅各種物資，當日更要搬住大紙箱大木板來會場，但相信完成後既滿足感是值得的！
其他義工都好投入，一齊幫手砌好個隧道箱，又能帶動遊戲氣氛，令到新朋友Jaman都好快能夠投入其中，好Good！
今次服務使用者屬於輕度智障，但係有好多真係醒過我添！
大會話雖然今年人流少左，好多又要早走回家，但係猜中既燈謎數目一ｄ都唔少～真係好勁呀！
By Lamji
我都係第一次幫手做籌備的, 過程中要成日動腦筋, 奈何小妹嘅頭腦轉數係超級弱, 多得其餘嘅籌備人員同兩位統籌及活動義工嘅大大力幫手先至可以令呢個攤位準時完成同順利進行.
我見到每參加者都好投入, 開心到玩完又玩, 玩到唔捨得走呢 .
By Gwen
多謝各位籌備小組成員，沒有你們一齊的構思，很難在有限的BUDGET，完成這次任務！
多謝MAGGIE免費幫我們過膠，再加上稱職的文書WENDY，一路提醒大家進度情況，和每人需要準備及携帶的東西，以及兩位統籌的提點，令遊戲如期完成。
多謝有份參與的義工，增加遊戲的高潮及難度，使每位參加者完成遊戲外，都充滿自信滿面笑容的離開攤位呢！期待再參與攤位遊戲的設計，令貪玩的我可以跟其他人分享遊戲的樂趣.
By Aunty
今次係第一次參與服務使用者屬於輕度智障o既活動, 但比我想像中佢地真係好叻... 好醒... 而且佢地非常投入我地o既遊戲, 真係辛苦晒攤位籌備小組喇... 佢地諗出嚟o既 game 簡單得嚟, 但氣氛十分高漲....
見到好多人都玩完再玩.... 有個參與者仲同我講, 覺得好好玩添噃.... 
lee 次活動時間唔係太長, 所以都唔會太過辛苦..咁當然都係要再次多謝籌備小組o既事前功夫啦..
By Helen
這是我第一次參加C&F的活動, 又是第一次這麼近距離接觸輕度智障人仕. 除了覺得他們像小孩一樣, 真的一點驚慌也沒有. 從攤位set
up 到 活動完結, 我深深感受到C& F每一位成員的熱心及應變能力之高, 很高興認識你們並成為C& F一份子,
今後打算積極參與C&F 活動, 跟大家一起將正能量輸出.
By Jaman
