今次我們來到秀茂坪寶達邨，得到一所教會提供有蓋及風扇之場地，使長者們能在一個舒適的環境下進行防跌測試。
環境舒適，長者得益。
義工們還細心地為長者遮雨。
測試第一步: 量血壓及磅重
測試第二步: 起立反應測試，握物反應測試及平衡力測試。
除了於街頭流動之外，今次還加設上門家訪，為長者進行簡單跌倒風險評估，向長者簡介健康資訊及設置場地。
上門的測驗基本上與街頭的相同，除此之外，一班義工還跟長者談笑風生，為他們送上關心及問候。
今次一共服務了接近一百位長者，YEAH!
以下是部份義工之服務後感:
今年冬季既防跌活動岩岩完成了。同樣地是次活動都推行上門防跌活動，而我今次都係負責上門既部份。
原來屋村中，有很多隠閉長者同樣需要我哋既關懷同援助。
有啲長者可能因為性格不大主動，有啲可能身體機能問題而少外出接觸社區，不論咩原因，都需要我哋既關懷同協助。不竟,他們在年輕時都曾經為社會而努力。
活動中我認識了97歲既麥婆婆，測試後結果係合格。不但身體健康，還日日到老人中心玩。傾談中都見到佢樂天既性格，可以見到麥婆婆係活出健康精彩人生。
By 白骨
好感謝幾位拉客隊義工,成功把老友記拉來做防跌測試. 結果在下著雨的天氣下都有95位老友記完成了測試,今次人手比較充裕,可以慢慢講解返環保袋內的防跌小貼士比眾老友記,言談之間,老友記也會同我地分享跌倒經歷,家居飲食..到義工服務都一一細訴.
C&F一直積極寰宇希望的長者服務,不僅是推動防跌資訊,更是宣揚關愛長者的精神,來緊好鄰居計劃,大家繼續努力!
By Carson
今次第一次被調到上門探訪小隊將防跌安全日同希望日既探訪合而為一既感覺
另一位90歲麥婆婆, 佢就無97歲果位麥婆婆咁好彩, 因行動不便被迫成為隱蔽一族
年前因為整親腰骨弄至駝背, 又撞親腳需要切除左一隻腳指, 傷口潰爛兩年至今仍然要姑娘上門洗傷口佢講左一句話：「其他人係點樣都唔會明白同體會得到我既感受」真係講得好岩 聽落又好感觸就算怎樣強既同理心 都真係好難會套用到在自己身上切實去感受唔想懶係明白人地既感受 但係都希望嘗試去聆聽 同學習點樣可以令佢地好過d
在於呢位婆婆黎講 佢話佢既生存現在係好無價值但係其實個天仲比得你嚮度 就應該仲有你既使命存在正如緣份帶我地到呢位婆婆身邊 從佢身上我又拎到d野 感覺到生命影嚮生命 真係好奇妙
By Lamji
今次地點很好, 有頂,有風扇,不用好天晒落雨淋之餘仲有通風, 公公婆婆可以舒舒咁等候. 真係要多謝阿dick所選地點, 同埋基石堂負責人的所提供協助.
今次負責測驗部份, 同公公婆婆一齊玩三個簡單遊戲, 遊戲好快, 剛開始時仲以為好難玩, 到成之後, 反而仲問"玩完嗱?", 有時, 佢地都好貪玩架.
當見到位義工(忘記咗個名)為公公婆婆落雨担遮. 公公婆婆更加覺得開心呢. 一點點體貼, 對方自然會體會得到.
By 亨利
上次我是街頭小隊, 亦是第一次參加此類活動, 今次是第二次參加, 比起上次活動亦有少少不同的睇法. 因為今次我是上門探訪小隊其中之一, 上門探訪與街頭測試方法根本沒有分別. 只是看到的多了一點.
一直以來, 每一位長者對我來說, 總會有同一種感受, 是 "擔心". 擔心他們缺乏照顧, 老人家年紀大了, 身體機能會慢慢變差之外. 心靈上他們亦有改變. D人成日講世界變啦, 媽媽又講, 朋友又講, 教會D人都講. 其實世界變是 -> ? 物價? 年輕人? 教育? 老人家生活?
咁老人家的心靈呢? 有沒有留意報章有刊登到老人家的新聞呢. 其實會唔會缺乏了他們心靈上的幫助. 有沒有發現他們心景也變得比我們還年輕. 他們好像小朋友一樣. 很可愛, 很單純, 很喜歡玩. 很喜歡別人氹.
我記得有位獨居的黎伯伯, 他下半身無力. 就是因為行動不方便, 他不願意落街. 就是因為行動不便, 所以每星期洗澡1次. 如果我是他, 每天只是在家看電視, 無人同我談下天, 說下地. 我相信我一定會感到很寂寞. 回到現實. 現在我很好吧. 每天上綱. 每天有人同我談天說地. 每天出街. 每天有媽媽/朋友陪食飯. 很好吧!
將街頭與上樓探訪小隊相比下. 老人家其實除了 " 看 / 聽 / 行 / 理 "有困難外. 多了一點, 就是心靈上的平安. 我覺得這需要注意的.
所以我參加了 "寰宇希望好鄰居義工計劃".
http://www.carsonfriends.com/discuz/viewthread.php?tid=1998
要支持! 為了心靈上的平安付出一點. 當中亦會體會更多.
By Yuki
今次已經係第三次參加長者防跌活動，今次主要負責做量血壓既工作，不過真係比啲血壓計嚇親，事關有個伯伯量左五、六次都量唔到，真係唔好意思呢！不過佢都好有耐性咁試完一次又一次........多謝晒佢既耐性
本來一開始時都有啲擔心，因為都落住雨咁，好多謝拉客小組既努力，最終都做到95位老友記 辛苦晒！在整個過程中遇到好多好友善既老友記，佢地都笑住咁話唔該晒我地，仲問我係咪學生添~~~~hoho (唔知佢以為我係咩學生呢？ )
By Peggy
第一次參加長者防跌活動, 係training個陣得知一些活動的背景資料, 對於長者跌倒呢個範疇認識多左, 咁自己係落手做時會加落力
我主要係負責做登記個part, 公公婆婆的態度都好nice ~ 做到一半, 轉左做test; 做完test 之後, 公公婆婆都由衷地感激..其實有時候, 做多少少, 比多d關心; 人地開心, 自己開心, 何樂而不為?
後話, 最尾一個case 的婆婆係講普通話的, 好在, 佢都聽得明我講的爛普通話, 哈哈~~
By Candy
