香港新浪網 MySinaBlog
« 上一篇 | 下一篇 »
Carson & Friends | 18th Aug 2010 | 義工服務 | (487 Reads)

「樂智傷健同樂嘉年華」是每年C&F的重頭劇,以往兩年我們都差不多傾巢而出,挖盡心思,務令每一個到場的參加者都能有一個開心、難忘的禮拜天。

跟往年一樣我們出動了38名義工,分別負責兩個攤位遊戲,一個氣球派送攤位以及氣球場景攝影區。今年吸收了上兩年的經驗,我們不單希望能做得比以往更吸引,更希望將「共融」的主題進一步滲入攝影區,令它不止是一個「佈景」。

現在就來重溫當日大家的努力成果。

<氣球派送>

每一次C&F的扭氣球小隊出場,一定會看到一條長長的人龍,今次又點會例外。Picture

我們的小隊隊員,一對巧手在密密扭,但都絕不會忽略與大小朋友們互動,把口都響度密密傾架。
Picture

辛苦一班全日緊守崗位的扭氣球小隊!
Picture

<攤位>

18/7,一個陽光普照的清早,一年一度的樂智傷健同樂嘉年華又在理工大學上演喇!
 
為配合大會主題,一班攤位籌備小組成員搞盡腦汁,又要開會,又要包包貼貼,更要出動針繩呀 !  
Picture

終於完成兩個攤位遊戲喇 ~~ 呵呵呵~~
第一個係 “齊出手,建未來” Picture
 
玩法就係用大拳頭打走 D 唔開心既公仔,等個個都可以開開心心~~
睇下大家打得幾落力~~~ 打 ~~~~ 
 
Picture
 
第二個係 “步向和諧社區” Picture
玩法就係將一家人推向 "共融社會區",當中會經過 "平等參與" 同 "包容接納",都係建立共融社區的要素~~ 
睇下大家幾咁開心 ~~~ 推 ~~~ 
 
Picture
 
來~~來~~來~~大家來張合照先 ~~~ 笑 ~~~~
Picture


<攝影區>

來到攝影區,氣球佈景和走動氣球造型能夠帶給參加者歡樂和驚喜,往往輕易成為全場焦點,但觸目背後各位義工所花的心思更為重要。由第一年的「鬼馬神仙車」到去年「獅子王森林」均大受好評,美中不足的是這些佈景只可供遠觀,對參加者的熱情卻無福消受,因此今年家友動一動腦筋,把場景設計成混合氣球跟其他物料的大型攝影區,讓一眾參加者「可以玩,可以碰,既互動又吸引的影相區」,是不是很心急想知道效果如何?立即跟大家分享:

Picture

攝影區第一站:「開心樂不亭」

根據接觸的智障人士的經驗,聲音和觸感能夠提供較大的感官刺激,於是我們想到利用一串一串的鋁罐吊於帳篷內任他們穿梭其中、自由進出。看到鋁罐碰撞的觸感和發出的聲音能夠令他們笑得如此燦爛,更有一個小朋友在「樂不亭」內玩了足足45分鐘,老實說,效果是蠻驚喜的。

PicturePicture

仔細一看,除了鋁罐外,這邊還掛了不少小手工,當中的廁紙筒勞作都是我們和藍田區樂智協會的會員一起製作。製作過程中大家互相認識、聊天,過程相當輕鬆愉快。當他們到達會場看到自己的作品被展示出來時,當然是笑不攏口,更開心的是他們都認得跟自己一起做手工的義工呢!

PicturePicturePicture

攝影區第二站:「氣球大樹與青蛙」

集合一個一個的氣球能夠製作千變萬化的造型,原來當中包括種樹。

數名義工連夜種出六呎高大樹並置於攝影區中央,石屎建築的理工大學搖身一變成大森林,大家猶如置身大自然,真教人心情愉快輕鬆。還有這只巨型氣球青蛙,不少參加者都希望把牠捧回家,可是牠本屬於森林的嘛,今天就跟牠拍拍照好了。

Picture

攝影區第三站:「手印紙皮樹」

另一個特別創作的景點就是義工製作立體紙皮樹讓參加者印上不同顏色的手指印,希望藉此增加與參加者之間的互動。平日較少機會接觸水彩的參加者顯得相當興奮,為自己挑選喜歡的顏色,把印好的樹葉一塊一塊的插到樹榦上,很有成功感。會員雀躍地對義工說:「好嘢,我種左樹啦!」,太可愛了吧!

一個一個不相同的小手印,於葉子上既有各自獨特的形態卻又不失和諧,正好跟大會的共融訊息不謀而合呢。

Picture

攝影區第四站:「歡樂魚池」

在攝影區的正中央,放著一個約3.6平方米大的紙盒製魚池,旁邊還放著一隻四呎高的小熊釣魚紙版,讓參加者一看便知道這是「影相位」。大家用心的設計,只為希望讓參加者能夠花時間慢慢享受及欣賞這個創作,對活動更加深刻。魚池邊花圃的設計亦花過心思,紮成一個一個獨立的小花圃,活動完結後能夠輕易分拆成單件轉送給到場的傷健機構及服務單位,既不浪費又可把歡樂延續下去。
我看想這個魚池像真度確實很高吧,看到不少參加者坐在魚池的「紙盒石躉」上休息,嚇得一眾義工連忙解釋那只是不能受重的紙皮盒已而。

Picture

攝影區第五站:「氣球走動造型」

有了幾個固定的景點佈置,當然也少不了氣球走動造型。由第一年的「雞鴨鵝」到去年的幾位「土人和猶長」,今年到底是甚麼造型呢?

拿著這些吸引的氣球造型很容易跟參加者打開話題,家友不時教他們拿著道具「澆水壺」為花圃澆水拍照,更有家友有創意地拿著「收音機」在小朋友跟前載歌載舞,逗得周圍的人哈哈大笑。
不過最觸目的可算是這條需要兩個人舞動的「飛龍」,除了會飄起的雙爪栩栩如生外,對氣球感到膽怯的參加者也可以拿著膠管舉起來拍照,難怪大受歡迎,攝影師亦忙過不停。

Picture

說起攝影師,就不得不提攝影區的最後一站:「照片打印區」

這次活動受到機構贊助,能夠免費為加者即時印製一張4R照片,這個窩心的舉動令不少沒有照相機的朋友能夠拍照留個紀念,實在非常感謝有關贊助商。不過勞苦功高的還是一班忙過不停地攝影及打印的家友,皆因這邊的反應實在太踴躍,由活動開始後一直忙過不停,攝影師更為了拍下不同景點而撲來撲去,雖然勞累,但他們真切的笑容像要告訴大家能夠為大家拍下燦爛的笑容有多滿足。

PicturePicture

一班氣球攝影區當日義工

義工心聲

一年一度C&F的大型義工服務-樂智傷健同樂嘉年華又再一次完滿結束。今年由攤位遊戲到攝影區都有新的突破,更貼近大會的主題。整個活動的順利,當然要多謝各義工的積極參與,更加要多謝的是一班籌備小組成員。
Lamji,白骨. 感謝你地統籌整個活動,由前期籌備的細節到當日活動的快速補位,沒有你們,真是好多野都做唔到。
攝影區籌備 - 阿wing,局長,雪晴,藍藍,helen,kathryn.今次是我地第一次嘗試crossover的裝置藝術創作,沒有你地的投入參與,大家一齊找資料,腦震盪,幾百個email來回,
根本整個設計都不能順利地出世。
攤位區籌備 - Wendy,sabrina,shirley,ronald,gwen.大家由設計到試玩都十分認真,到準備當日大家都分工合作地把攤位的物資準備好!今次不只是遊戲好玩,連主題也配合返大會共融的訊息,連遊戲玩法都分成幾個LEVEL,希望每一個來的參加者都玩得到。
大會的主席及委員會都托我感謝大家的努力,所有來的到機構,學校及宿舍都表示今年的遊戲豐富了,攝影區多左互動好玩了好多,條龍好生動~~而當我問O的參加者下年來唔到時候,他們都會好大聲敢講:一定來!2011年再見。
最後多謝大家對我這個多多要求的會長的包涵, 不過大家都要多謝我把你o的潛能迫哂出來。
by Carson

在此想學電影完結後逐一鳴謝,等大家知道下籌備組所負責既部份:
Kathryn (ArLui) << 紙皮樹既樹榦部份,好用心既設計,不過要四呎高既紙樹企穩真係唔容易呢
藍藍 (lam0829) << 紙皮樹一塊塊既樹葉同魚池既荷葉荷花都係佢設計
Helen (circlehelen) << 整個鋁罐風鈴區,d罐就係佢一手一腳穿起,仲有勁靚既拼豆裝飾 >3<
Wing (cool-girl) << 氣球造型內所有設計都係經佢
雪晴 << 氣球製作師既另一對手,求乜有乜
局長 << 條龍既製作人,更臨時想到用Helium製作龍手,即時生生猛猛鬨動全場
+ 臨時工 - 亨利 << 水壺(在場聽到勁多人讚!)
+ 臨時工 - 丹丹 << 收音機(多得佢Edward先有機會顯唱)
+ 臨時工 - Terry(Kathryn的愛人)<< 好落力黎界紙皮,第二朝仲特登0700黎幫手運送物資
當然仲有我自己喇 XDD << 可愛既熊仔攝影版 + 無喇喇好似石躉既魚池圍邊 + 水底 + 行行企企
唔少得兩位好拍檔Carson &骨骨,不斷幫手做清潔阿嬸同界紙皮,令其他人可以安心開工!今年的攝影區豐富左,複雜左,相對需要大家既配合度高左,更可能辛苦左,無論籌備定活動當日,大家都好盡力去做好自己既崗位,籌備組更加前一晚準備到深夜,第二朝0700出動!
鋁罐風鈴區內除左Helen一手一腳整既拼豆外,掛滿的小手工就係我們跟樂智藍田會員一同製作,想到昨天有會員認返自己既作品,以及小朋友走入鋁罐陣聽到撞擊聲好開心既樣 
能夠讓參加者參與其創作和提高投入感,我相信我地方向是走對了!! 
敢冒險,勇於嘗試,讓大家與活動一同進步,才有機會發掘更多可能性。
第一次製作一個多景點多物料既攝影區,理所當然地有更多進步既空間,當中經驗真係好有用:
譬如話下次可以分別在幾個位畫下腳印讓參加者企定影相,而位置設計上需配合攝影師固定企位,減少攝影師楂住部相機走黎走去勞動之餘,亦避免參加者找唔到攝影師既情況出現(因好多時會行左去另一邊影相);另外影相服務如果需要參加者完成某d task先,也可減少”係唔係都影”而Jam相既情況;如何讓參加者走入鋁罐陣中等等,進一步檢討及改善方案有待Review Report內提出。
作為其中一個統籌,要將大家扣在一起合作,每個獨立個體都有不同想法和做事方式,籌備過程大家需要互相補位,尊重別人意見,怎樣幫大家磨合取得最大平衡反而是我最大的課題,感謝各位互相體諒和包容。
希望繼續有大家既支持,期待明年既樂智傷健嘉年華。
by Lamji

第三年參與樂智嘉年華,參與了 2 年走動造型組, 今年初次參與攡位籌備小組。
是次攤位由 Wendy 負責全個統籌工作, 由安排物資至製作,她也都一絲不笱, 每一項工序她都安排得非常精細,準備了不少前期工作。
與 Carson, Sabrina, 白骨, Ronald, Gwen, Pong一組, 大家構思都希望不要解釋太多,
簡單講解就可以令不同層面參加者都明白遊戲及意思, 看著參加者參與遊戲過程, 都笑口常開,無論行動不便參加者, 也都享受遊戲歡樂,嘗試去試。
而整個嘉年華, 也非常多謝汽球組及攝影組每一位朋友, 你們創造了一個非常美麗色彩繽紛好像童話世界的汽球村﹕有魚池,有樹,有龍,收音機,水壺,也有平時大家循環再用汽水罐也有另一個用途。
扭汽球扭到手軟的朋友, 在休息時間我經過看你們,龍尾永遠都是這麼長。
還有走動造型組朋友, 你們嘩啦啦笑聲, 感染了排隊玩攤位的參加者, 他們也嚷著與造型朋友及汽球拍照。
好開心,能夠在這好天氣陽下順利完成!不會因天氣而影響參加者人數。
再一次多謝每一位義工朋友!一人一力量,力量是如此無限大...
by Shirley

攤位遊戲的設計簡單又好玩,又能配合唔同程度客人的需要,作出唔同程度的難度,真係唔講讚好都唔得啦!讚好!
條龍真係好正,又搶眼,辛苦哂走動造型組,大熱天時托住條龍走黎走去,都面不改容。讚好!
攝組辛苦哂!相信你們也攝下了很多寶貴的回憶,讚好!
扭波組辛苦哂!日扭夜扭,氣球造型也從未走樣,隻隻趣緻可愛。扭既開心,攞的又開心,讚好!
by 阿廉

今年又係抱住好玩既心態來參與 !!我負責打手印 ~ 最難忘係一個服務使用者打完手印, 將樹葉放上樹之後 ; 好開心甘同我講 : 我種左樹啦 !!
之後, 我又技癢..... 走左去舞龍 !!
點都估唔到... 大部分人都甘鍾意比龍咬頭 !! 咬佢仲笑呵呵 !!
by Iris

其實好開心個 "開心樂不亭" 令到好多參加者都玩得好開心... 特別係 d 細細個o既小朋友, 我係隔離一邊扭波, 一邊聽到不停o既 "卡卡卡卡" o既笑聲.... 攪到我不時都擰過去聊下佢地。
每次活動的成功都要好多謝我地一班 buddies o既努力, 創意先可以得出咁滿意o既成果....
其實每次見到所有服務使用者開開心心的表情, 就算 事前 / 事中 / 事後幾辛苦都係值得o既....
by Helen

我係龍的傳人, 首先要多謝我ge鞋子-- 骨骨分享左佢過往走動ge經驗, 例如鼓勵參加者接觸氣球俾佢地感受一下, 不過都要留意有d參加者可能會驚就唔好免強, Lamji仲同Carson示範一次點樣舞龍tim。
今次完全感受到全場氣氛 ( 因為撐住條龍周圍走, 呵呵~~)
見到參加者玩攤位遊戲, 個個都玩得好開心~正如大家講, 攤位遊戲的設計簡單又好玩, 基本上行到去攤位前已經大約明白遊戲方法。
撐住條龍周圍走個陣, 大家都覺得條龍好amazing~, 有班小朋友見到好興奮好開心, 我問其中一個小朋友知唔知係咩黎, 佢好興奮話: “龍呀!龍呀!”仲問我可唔可以整一個俾佢, 哈哈!
我就覺得最amazing就係大家, 去到poly見到個setup, 簡直係“嘩!”, 真係唔識得點形容, 總之好勁啦!
攤位遊戲設計得好好, 鋁罐陣又好得意, 攝影區ge造型又不得之了~~cool girl不停埋首印相,  骨骨後來仲做埋走動組tim, 因為佢做左攝影區攝影, 有使用者想係氣球樹前影, 有想係水塘前影, 不停聽到”骨骨..呢邊呀”, 骨骨唔想使用者失望, 都好努力兩邊走呀~
除左感受到使用者ge開心, 仲感受到大家ge努力tim~~
by 打米


[1]

口健樂的成分:保治靈,必妥碘,HybenX 成分(HybenX 成份)。它提供一次性快速、永久的處理方法來消除口腔潰瘍所帶來的疼痛及不適。口健樂痱滋啫喱軟膏不適用於治療口腔黏膜的水泡病。
http://www.oralmedic.com.hk/products.html


[引用] | 作者 口健樂 | 9th Dec 2013 | [舉報垃圾留言]