香港新浪網 MySinaBlog
« 上一篇 | 下一篇 »
Carson & Friends | 2nd Sep 2011 | 康樂活動 | (395 Reads)

市面上香水品牌眾多,但並不是每一種都適合自己。近期非常流行DIY (Do it yourself),何不自己調配出有自己風格,獨一無二的香水。
今次 C&F 的會員就參加了一個香水製作工作坊,工作坊的導師教我們以100%天然的香薰,再利用自己的嗅覺,選擇適合自己的香味,製作出屬於自己的香水。
Picture

 

各種不同的香薰,就是香水的主要材料。
Picture

香水並非女士的專利,C&F就有3位型男參加香水班。
PicturePicture

正式上堂啦,導師Alice首先講解市面上香水的成份,一般除了香薰外,亦會加入有化學成份的香精,有部份香水亦含有由動物身上提取的腺體。而在堂上用到的香水原料 — 香薰,全都由植物提煉出來。
Picture 

香水的主要材料包括香薰油、溶解劑和 Purfume Base。製作方法非常簡單,只要將所有材料均勻混合即可。這麼簡單的材料,卻可以製成散發出不同的香味的香水,就需要調香師的技術了。一瓶香水最先嗅到的味道是前味 (Top Note),跟著是中味 (Middle Note) 及後味 (Base Note)。Picture

每一種香水都會有不同的配方,就算同一個配方的香水用在不同人身上都會有不同的化學變化。
在堂上導師預先就前味、中味及後味,準備了不同的香薰,讓各同學用自己的嗅覺,在多種不同氣味的香薰中,找出自己喜歡的味道,寫出自己個人配方。就算配方一樣,因各人磁場不同,香薰的味道也會不同哩。
 
各同學非常專心調配自己的香水。
Picture

嗅得太多香薰而令個鼻未能清楚地分出氣味,咖啡粉就是最好的解藥。
Picture


調配好的香薰,在加入Perfume Base之前,需要先混合,即是為香水“按摩”。透過這個程序,令瓶內的香薰感受到個人的磁場,最後加上Purfume Base後,經過一星期的熟成期,就成為個人專屬的香水啦。
Picture


活動後感:

琴晚既香水班, 明明報名話只玩半小時, 但........我地C&F呢班嘩鬼, 玩左足足一小時呀!!!!
無辨法啦, 我地求知"肉"又肥...吾係, 係高! 好多問題, 至緊要既係負責人Miss Alice 又好好人, 一一細心講解, 我自己就十分十分之Enjoy啦!!! 吾講吾知, 香水mix好之後, 要同佢 "按摩" 嫁, 仲耍耐心等佢一星期熟成, 係呢個星期, 我地仲要日日同佢"溝通" + "按摩"...下星期三先算完成呀!!!
朋友們: 今日同你支tailor-made 香水傾左計未呀??
(by 杜麗)
 
昨晚真的玩得好開心,玩了一小時活動,確實真的不夠喉,未能真正認識太多香水味道。
一進入場地感覺,真的香味四溢,有一點催眠感覺。活動開始了,我們呢班嘩鬼真的有好多不同問題及問號。
原來混合香水都有分"前味,中味,後味",最後就加 Purfume base,香薰油及溶解劑來一起混合才能夠成為一支香水,而我選擇了 Lemon 開心,Rose 舒緩 及 Ylang 浪漫既材料,要天天同它按摩至一星期才能夠知道它的香味結果,真的有點要同它天天談心感覺。
(by Shirley)
 
等我睇睇7日後支香水會唔會好夾我先。Miss話我支香水好中性,仲係好開心的配方,好用的話自己再配多d,材料我有齊啦。
(by Wing)
 
今次真係好正呢...平時有噴少少淡香水的我...終於可以知道香水係點整架啦...
呵呵...MISS話我揀的會係甜味~~~我會努力同佢溝通按摩下架喇~~~!
大家都揀ROSEWOOD多....我就揀左依蘭, 最後會變成咩獨特香水呢....好期待呢~~!
(by EC)
 
係TST上完香水工作坊, 期間學識好多香水既基本概念, 而我亦製造了一支專屬既香水, 呢支系世上獨一無二既香水﹕Madarrine(橘柑) - 帶少少甜香, 使人歡愉;Rose(玫瑰) - 安穩情緒,放鬆,增加魅力及愉悅感;Rosewood(花梨木) - 平衡荷爾蒙,舒緩經前症候群.同時更是催情劑。
我幫佢起左個名:
“Scent of Bliss”(幸福的香味)
(by Kenny)


[1] 請問

請問一下 溶解劑是什麼東西 一般化工材料行買的到嗎?


[引用] | 作者 Luan | 17th Jul 2012 | [舉報垃圾留言]