香港新浪網 MySinaBlog
« 上一篇 | 下一篇 »
Carson & Friends | 12th Jan 2012 | 義工服務 | (275 Reads)

今年, C&F再次聯同專業氣球師、親切合作舉辦 "親切繽紛氣球大世界" 這個大型活動。今年大會是以“親切繽紛馬戲團”為主題。
 
籌備人員由5月底已經展開事前聯絡籌備會議,在短短的幾個月內,由空白一片,到確定主題內容,而時間及地點,以及設計的圖則,物資的存放及運輸,都在大家密密麻麻的會議及電郵中討論。義工在預備日及活動當日的分工及招募,則在9月中開始在FORUM及FACEBOOK招募,除了家友站的義工外,亦有其他氣球藝術師參與。
 
一眾義工在15/10已經開始全情投入為這次大型活動“燃燒生命”,大家各就各位,不停把事前氣球師的構思一一扭出來,一個個平平無奇的氣球,經大家出盡九牛二虎之力,轉眼變得活龍活現。雖然有些義工並不熟識氣球紮作技巧,但他們都非常熱心發問,學習和幫忙,真的很感動。

 Picture

到了夜晚,更是體力精神的大考驗。將氣球半製成品運到會場組裝,隨即出現不少問題,包括會場突然多出的限制,令到設計需要臨時作出改動。幸好在各義工及藝術師的通力合作下,問題都一一得到解決。

Picture
 
終於去到16/10活動當日了,整個會場人山人海,場內設有遊戲攤位、攝影區、毛毛條手工區、氣球義賣區等。見到每位途人、街坊玩氣球遊戲時的雀躍,就知道氣球帶來的歡樂將大家都感染了。
 
Picture
 
台上的表演十分精彩,台下各個活動亦極之吸引。氣球義賣區和毛毛條區的人龍幾乎看不到尾,義工們都非常忙碌,摩打手一樣不停扭,真係扭到手仔軟!但見到拿住氣球或毛毛條公仔而充滿笑容和喜悅的小朋友,多累也值得。

PicturePicture
 
轉眼又到壓軸節目:氣球拍賣!台上幾位口齒伶俐的司儀,不但推高全場氣氛,同時亦將拍賣價推至更高,當然少不了多謝各位善長啦﹗快樂時光真的過得很快,終於曲終人散。雖說大家體力盡透,但能為共融出一分力,那份使命感讓我們的情緒仍然保持高漲和興奮呢!

Picture
 
是次活動所籌到的善款,將用作籌辦更多推動社會共融的教育活動,為香港建立和諧社會。這麼有意義又充滿歡樂的活動,來年約定你,明年再見!


義工後感:

再一次燃燒青春,參加一年一度「親切氣球大世界」,感覺一樣好累好累,但好好玩!因為有左過往幾年既經驗,由籌備到活動當日都尚算順利,

準備日我下午來到大家已經準備得如火如荼,而上貨落貨速度已經係專業搬運公司果隻,勁呀~ >O<

不過夜麻麻來到活動場地SETUP先係戲肉,面對重重困難種種變數,場地規限,經驗和技術等問題令完成時間無限期推遲,大家照舊都唔諗咁多,你幫我,我幫你,物資及人手等互相調配,卒之凌晨四點拖住個靈魂出竅既驅殼回家稍稍休息(真係稍稍架咋)。

整個過程我好欣賞「親切」呢個機構,佢對大家意見既尊重,認同及信任,令我地感覺到無論義工還是職員都是一整Team,從佢地身上貫徹共融既態度,令我地合作得好舒服!另外今次亦有組長都作出唔同既嘗試,除左Mighty同阿Kay既場景真係做乜似乜之外,阿Wing既氣球飄升亦非常特出。雖然當中遇到唔少阻滯,但係相信經過今次既經驗之後,下一次一定會有更完美既表現,加油呀~!

活動當日一早回去幫手Set場,錯過左跟大家一齊Briefing,但諗都唔駛諗都好信任大家一定setup得掂掂掂架喇!

全日人流我都唔知幾多,淨係知到d clients 話都等左好耐,還好照舊有台上精彩表演,而且絕大部份人都好享受睇住我地扭呢個過程呢 hehe。最重要既係我地差唔多全部人都有上研習班,真係好緊要呀!所以扭出黎既氣球雖然花得比較多時間,但係每一下都有信心有技巧,正所謂扭得安心,睇得開心喇!在此特別多謝百忙中抽時間來教我地既局長,Wing&Aunty。

氣球推廣大使(即係人流)都好好,聽講小萍有帶波袋同泵在身架!呵呵~快d找機會報名實戰喇!

除左講氣球之外,仲會比參加者了解多d有關「親切」既服務同宗旨,讚!今年同上年既需求好似又有d唔同,小狗都扭左幾隻,但係咩造型都一樣咁開心!身邊既Moon同Jenny扭得好落力,仲同小朋友好有互動,後來加入既阿Mi都好用心去做好每隻氣球動物仔,大家都好叻呀!

聽講Rhoda都響另一邊好努力咁同小朋友傾計扭波,希望之後繼續有機會同你一齊Part喇!*^O^/*

由於商場開放關係,今年只能等到10點鐘先可以進行氣球暗殺,一大班人打邊邊吹水好開心呀~~~呵呵,時間過得特別快!無論有無氣力留低殺波既每一位家友都辛苦了,專程過來幫手殺波既Chester特別抵錫!我會請會長代表送你香吻一個。kakakakaka...

(by Lamji)

    
扭波既每一位辛苦哂呀!!!
我負責絨毛條, 是唯一在奧比斯有一次實戰經驗的義工
10點開始扭扭扭~~~波板糖係最容易整啊~~~
今次因為扭波的展示板上有三眼仔關係..
有一個好可愛的小朋友過黎同我講,我要三眼仔!!!
跟我一組的親切義工Angel....停一停,諗一諗.....唔知點回應個小朋友~~
突然"叮一聲"係我腦海裡,閃現左三眼仔既做型...
扭扭扭...唔駛一陣..KO左!!! yeah!!!個小朋友帶在手裡(整左個手環)
跟住仲同佢影左張相..佢好滿意..哈哈

其實上半場2點前比較人多,下午因為魔術表演等等..空閒一點點
我仲可以欣賞表演,Carson過來寒暄一陣...令我對親切呢個組織有更深入了解!
C&F還有綽喬&Edward一齊扭扭絨毛...綽喬的作品充滿創意!!好勁啊!!!

雖然我不懂扭波,但大家向著同一個目標籌款.....付出的時間是值得的
我要跟你們扭波的每一位說聲....好勁啊...整個商場的佈置well done!!!

(by Mandy)


今次是第二次參加「親切氣球大世界」,真係玩得好開心!

在預備的時間, 本來下午只是來影相的我, 見到大家咁努力, 真係忍唔到手, 結果又扭埋一份!
到 了夜晚set up, 由無變有既過程真係令人興奮, 雖然遇到很多變數, 好在有不同的專業人士來幫忙, 而且組長AUNTIE心水又清, 使我們負責的部份能在預定時間內完成。勁呀!完成負責部份, 最初我也想跟組員離去, 但真係唔捨得走, 好想幫大家一齊完成, 可惜頭腦已唔多清醒, 幫唔到咩手......

活動當日, 由最初預定不到場參觀, 就因太掛住大家啦, 所以結果都到來一看, 見到每個攤位都好多人, 個個義工都好落力, 又有表演, 又有義賣和拍賣, 真係好正呀!結果攪到我留咗幾個鐘先捨得走, 哈哈, 用時間來換取金錢買不到的快樂, 夫復何求呢!

我諗出年都係報名參加埋第二天的義工算了。

(by Candy)

    
第 一次玩絨毛條, 之前未玩過, 都有d擔心,於是上網做定功課, 搵了一大堆圖片參考,後來知道C珍帶左兩本絨毛條工具書來, 真係感動, 獲益良多。其實絨毛條同扭波道理差不多,學左d基本技巧, 練習多d不同造型,打好基本功, 便能以意創造。Workshop時見到小朋友,都係問佢地想整d咩, 盡量滿足佢地,例如有個小朋友話要整兔仔,兔仔起工具書其實冇教過,要即刻諗下可以點整,再同小朋友一步步整出來,到最後又整得好得意,將幻想化為現實, 都好開心。

絨毛條看似簡單, 但要做得好,唯妙唯肖也不容易,見到其他人整左d好特別的作品,深感絨毛條還有很大的變化空間,下次一定要再玩過, 再研究一下,I love 絨毛條。

(by Edward)


今次係我第二年參加呢個活動, 上年去準備日, 今次就做氣球義賣~當日雖然好攰, 但係真係好開心, 現場好多人..... 台上台下都一樣咁墟冚~ yeah!

其實想參加研習班架, 但係當知道自己得閒出席既時候先發現一早已經滿左..... >.<

所以懷住戰戰兢兢既心情出席當日活動..... 好在, 隔離鄰舍既Helen 同 Lamji 都好好, 有問必答~ 鍚晒你地~

仲有多謝氣球推廣大使同c 珍, 同我地講跟住既客仔要咩氣球造型, 等我地唔駛扭d 高難度既氣球~ thanks!

希望出年都有機會繼續參加呢個活動啦

(by Jenny)

    
上年經呢個活動認識C&F, 今年可以參與氣球義賣, 勁開心!

活動當日, 最初真係幾緊張, 一路緊記Briefing Notes 義工注意事項:服務重點應放在參加者的整體感受而並非只是氣球質素... 於是好努力同小朋友玩,  越玩越開心... 到c 珍話截咗時, " 吓? 冇喇..." hehe...希望氣球質素仲可以吧。

太忙於扭波,冇咩留意台上表演...只見到拍賣有個女仔好靚... 個髮型同絛裙... 眼前一亮...(我指個公仔),好想看魔術啊!呀!佈置啲小丑又好鐘意呢

上研習班真係非常重要, 學左好多, 唔上真係咩都唔識 。局長, Thanks a lot !!

仲有Lamji 同c 珍, 好照顧我依個新手。就是活動中, c 珍都不時留意我的進度, 非常感激!

好, 出年又要擔凳仔

(by Rhoda)

    
萬二分感謝各位好的支持, 今次世界氣球日- 親切繽紛氣球大世界。全賴各位鼎力相助, 才能完滿完成。十十十十十十十萬個感謝!

感謝各位C&F隊友及Team leader, 由開會到交圖交表, 交timetable…. 一切一切都是大家的時間心血…. 頂了很多晚, 捱了很多夜……..多謝!!! 多謝你地!!!

再次見證C&F義工的力量~~~ Super....有C&F, 扭氣球及小手工區域完全不用掛心

這次的活動, 面對種種見過及未遇過的挑戰, 仍然有很多安排不周的地方。 感謝大家繼續的支持! 感謝大家繼續的包容! 感謝大家繼續的付出!!

相信透過歡樂的氣球能夠將親切共融的信息帶給在場的每一位參加者。

容許我引用親切Ping的一段留言:
“親切繽紛氣球大世界2011完滿結束!
多謝各位超級厲害的Balloon Artists, C&F的專業義工朋友, TREATS最最最最親切的義工們!!!!
因為共融,所以親切.
因為您們,所以共融.”

在此向各位拜謝!!!
萬萬萬二分感謝!!!!!!!!!!!!!!

(by Kay)

    
未開始寫感想, 不過想先多謝阿KAY, 因為你比咗個咁好嘅機會大家, 可以一齊玩得咁開心, 而透過咁多不同部份, 相信各義工都會對親切有更深入嘅認識, 比參與2-3個小活動來相比, 這個更投入, 更開心.

當現場聽到阿PING所講: “親切繽紛氣球大世界2011完滿結束!多謝各位超級厲害的Balloon Artists, C&F的專業義工朋友, TREATS最最最最親切的義工們!!!!因為共融,所以親切.因為您們,所以共融.”
覺得已經值得.

(by 亨利)

    
又是一年一度的大型活動,幾個月時間的籌備,連續兩日燃燒生命的努力..波波波波....波波波波...腦內只有一字..波!

氣球神奇之處,不是收到氣球的參加者感到快樂,同時在整個過程之中也可以令義工感受到不同程度的快樂感覺,彼此之間的合作,共同製作出想像之中的作品,快樂就是源自空氣!

辛苦了一班籌備小組加氣球師WENDY, LAMJI, AUNTY, ALVIN, WING 同局長。沒有你地的無私貢獻,係沒有可能做出呢一類型的活動的!

而C&F與親切之間的關係也是每年的加深,由製作過程到活動當日都與一眾義工合作無間,來緊我地都會繼續合作親切其他的活動,希望可以繼續宣揚共融,建立一個和諧社區。

各位義工,沒有大家的出力根本唔可以有咁成功的一個活動,看到大家為了讓參加者感受到氣球的快樂,都出盡百寶,而當中之間的交流,我相信大家定必能記於心中,有人問我為什麼可以招募到咁多有心之人加入C&F一起做義工服務?我說:只要自己用心去做,投入每一個服務,身邊的人就一定可以感受得到,志同道合就會自然地走在一起,唔需要刻意做些什麼。義工有不同的技能,不同的性格,走在一起形成一個小社區就可以互相支持,互補長短!

最後要多謝活動前來幫手籌備的GWEN,當日來探班的EC同BEBE,也多謝親切讓我能有機會站在台上當上一天的拍賣官!

C&F與氣球有著分不開的情意結,不是技術之上高與低,是我地在氣球之上加了一份情。

Enjoy with C&F!

(by Carson)

    
原諒不善詞令的我很少在這留言heheeee...

對! 每個人在每一次的活動中, 都會有不同的得著! (如今年有了新的票, 感到特別順暢) 在每一次的活動中, 大家都累積了不同的經驗, 大家都是在不停的豐富各自的人生... 但相信大家有一個得著是相同的. 就係"開心"同"幸福". 因為"施比受更為有福"

希望, 會有更多人同樣地享受著這種"福氣" ;-)

(by 藍藍)


[1] "百日宴"party

請問如果我想邀請你哋下星期日到我個女嘅"百日宴"party做扭波波, 手續要點做?


[引用] | 作者 Keith | 27th Jan 2012 | [舉報垃圾留言]

[2]

你好 Keith,

好多謝你的留言,本會是一個以義工服務為主的團體,如果是有關商業的活動,抱歉我們未能幫忙。

家友站義工團

Carson & Friends
[引用] | 作者 Carson & Friends | 6th Feb 2012 | [舉報垃圾留言]