香港新浪網 MySinaBlog
« 上一篇 | 下一篇 »
Carson & Friends | 15th Jan 2012 | 義工服務 | (172 Reads)

已經有一段日子沒到過港島區做義工,今次我們一行十一人就來到北角模範村進行長者防跌安全​日防跌測試活動。雖然當天義工及屋村人流比以往少,不過人少少更能讓我們與老友記拉近距離,而最感到溫暖的,就是屋村內熱心的保安叔叔,他們協助我們招攬老友記來做防跌,而且又耐性地講解給他們知道我們的目的,令老友記很放心!

雖然人流不算太多,當天只為 50 多位老友記做了測試,不過多和少也沒關,絕不影響我們的服務質素和熱情,跟老友記也都盡情投入,看圖片就知道啦!
 
充滿繽紛油畫
Picture
 
我們當然要先詢問一下長者資料。
Picture
 
接著就要量血壓、度體重、測試手靈敏度及平衡力。
Picture
 PicturePicturePicturePicture

完成了測試部份,就到另一邊作健體操,大家全情投入,跳得好有節奏感。
PicturePicture
 
時間過得很快,又一次完成防跌測試啦!最後當然不少得來一張大合照!
Picture


各義工們也對這防跌活動有不同感想

By Carson
都有一段日子沒有去港島區做防跌服務喇,今次來到呢條老村-模範村。雖然村仔細細,不過都不有少老友記呢!
今次我又同樂文負責長者健身區,一齊同老友記玩下椅操... 踩曱由呀... 打蒼蠅呀.. 洗下面...
仲有EC同車士打的手信同探班小食,令大家情緒高漲起來!! 雖然今次服務的老友記比較少,不過這反而可以有多啲時間同他們傾下計添~~
期待下次再同老友記宣傳防跌的重要性。
 
By Shirley
模範村這地方聽過好多次,但真正做義工又真的第一次,今次來到這裡香港區與老友記見面做防跌,真係好開心,雖然人少少,不過環境真的不錯,今次我同Jaman, Bebe, Archer 一起同老友記做登記,有些老友記一早知道我們目的,都好樂意提供有關個人資料比我地,所以都做得好流暢,在加上天氣環境好舒服,不熱不曬,與老友記可以盡情傾計,各位義工都非常樂在他們工作崗位當中,最後雖然做了好少老友記,不過也像 Carson 所說,也可多d時間同老友記傾計,大家彼此建立了不少感情。
最後多謝EC 帶來太陽餅,以及Chester買來蛋撻,真係好窩心,好期待下一次與老友記既見面!
 
By Archer
終於等到防跌安全日再次來到港島區。在自己「地頭」做義工幫助長者,感覺特別親切。
第一次擔當替長者登記的崗位。開始時走了半個模範村都找不到長者是有點擔心。不過幸好那只是一時的冷清,過了一會我們就遇上不少在附近飲完茶的長者啦,哈哈。原來替長者登記也是個聊天的好機會(尤其是不是很忙所以不用很趕),加上天氣好,地方好,我覺得自己有點似在乘涼,閒聊,而不只是機械式的做登記。
這次的防跌安全日,管理員們絕對應記一功,他們不單會主動提醒遇到的老友記來我們的測試站,還會充當翻譯呢。
 
By Lamji
有一排無參加防跌了,繁忙過後又回歸,今次去到老遠的港島區,再次擴大我既版圖!
前兩次好似都係做登記招客既崗位,今次終於做返測試位喇,真係好鬼中意同d老友記玩,tum下佢地又讚下佢地,睇佢地笑得幾開心,呵呵。
模範村比較細,而且聽登記既大家從街坊口中得知,呢度幾老友3點不露,位置又好似偏離大路一點,起初都有d擔心。
還好之後d街坊落力幫手拉埋朋友仔過黎,保安阿姐又勁好咁半請半tum咁找人黎,都唔算太差呢,hehe....
今日一共做左差唔多60位長者,從未試過咁悠閒呀,但係就有更多時間同一班老友記傾計,講解下防跌需注意事項,又多d時間比佢地傾訴下,就同義工之間都多d時間溝通呢。
健體園地真係笑到我碌地,見到d老友同義工一齊做下操,勁投入,好開心呢。
(Jaman真係好鬼融入d阿婆 XDDD)
希望繼續有機會為各位老友解悶之餘,又可以令佢地更加注重防跌既重要性呢!
EC, Chester,你地d愛心手信同外賣真係好好味呀!
下一次...記得唔好執輸喇!


[1]

實在愛防跌活動呢~~~

Lamji
[引用] | 作者 Lamji | 16th Jan 2012 | [舉報垃圾留言]