香港新浪網 MySinaBlog
« 上一篇 | 下一篇 »
Carson & Friends | 4th Feb 2012 | 義工服務 | (142 Reads)

2011年10月31日大清早,C&F一班義工準時在西貢集合。究竟有咩攪作,佢地晨咁早就來到呢?莫非出海遊船河釣大魚? 其實是來參與樂智協會的陸上的步行籌款活動 - 傷健同步展愛心2011。一班義工來得,當然係幫下大會手執頭執尾啦~

Picture

這個步行籌款有大約300位參加者,他們都是擁有一顆善心的捐款者,而他們捐出的款項將撥作推展智障人士『醫療保健及牙科保健』計劃,為智障人士及其家庭提供基本身體檢查,牙科檢查及健康講座,促進智障人士個人健康及護理知識。大會當然非常感激他們,還在活動開始前為他們送上一顆顆愛心氣球,而製作這300顆愛心氣球就是我們今天的第一個任務!

泵好氣球,再插上桿,一份簡單而豐富的小禮物就完成囉!這個小小的製作過程,我們發揮了分工合作的精神,很快每人兩手都滿戴愛心了!

Picture

之後,就出發做「派心大使」,將氣球送給嘉賓和參加者,大家都笑著接過。一下子會場各處都是紅的、粉的、白的愛心!

Picture

派完心,我們第二輪任務就開始了。義工們兵分4路﹕留守典禮大本營協助典禮進行,及分別駐守3個Check Points維持秩序、為參加者打氣和蓋印。

Picture

步行路線輕鬆,沿路海風送爽,一行又一行的參加者都踏著悠閒的步伐前進,當中有男有女、有老有少,有善長人翁也有樂智的會員,不單是一個籌款活動,也體現了共融和諧的精神。

Picture

當看到參加者再次出現 (因為是往返路線),我們都恭喜他們快將完成整條路線,他們就回以笑容和一聲聲多謝,雖然此次活動的工作相對輕鬆,但滿足感也沒少。

當所有參加者都完成步行,我們也收拾一番,回到起點,大功告成了。其實偶爾參與一次輕鬆的義工服務活動也不錯哩~

Picture

義工心聲﹕

By Carson
正所謂晨早起床清新開朗,又是一個0800集合的活動,呢次是西貢碼頭公園,早上的感覺都好清新呢!
交出我的心... 來交出我的心... 我願來奉獻心中的真... 我願投入去全個投入去... 不顧後果前因~~
位位義工合力地在後台努力交心,最後就交左成300個心!
全場每一位參加者都拿著不同顏色的心形氣球,樂智協會傷健同步展愛心2011正式開始喇!
多謝C&F的各位緊守崗位,多謝GWEN GWEN統籌整個活動,等我可以安心跟樂智一眾委員傾下計交流下義工心得。

By 強
開心... 好玩...可以泵到咁多心形波好有滿足感... 最初聽到話要整300個心形波我仲以為要好耐... 最後, 整個泵波過程大家合作得好好... 好快就已經整好晒... C&F朋友仔果然好團結呀...

By Lamji
無諗過當日咁好天氣,真係郊遊既好日子,難怪一班樂智仔行得咁開心。
本身對活動既內容唔係咁清楚,還好Briefing時有講到,原來今次黎步行既都係我地熟口熟面既樂智會員呀!主要目的就係比佢地行下郊遊下之餘,向其他人籌下款咁喇,場內仲有早前繪畫比賽得獎作品既展出添!
今日大家氣氛都好熱鬧好輕鬆,呵呵呵,Briefing及分組中已經喪笑,對於忙慣既我地,今次既活動當然駕輕就熟,仲有時間同會員傾下計打下招呼添播!
今次活動雖然好早,但係大家真係好準時好準時,真係好值得讚下!

By 樂文
呢日天氣非常之好呀,真係好適合戶外活動。
今次活動相對比較輕鬆,一開始幫手泵波,大家分工合作好快就完成喇。之後幫手派波,好多小朋友大朋友見到氣球就好興奮,露出笑容,非常開心。
活動開始之後我就負責響`check point 蓋章,參加者都非常守秩序同有禮貌。
雖然冇咩時間同佢地傾計,不過都有同佢地打氣,佢地都向我報以一個微笑,成個活動就響輕鬆愉快情況下完結了。