香港新浪網 MySinaBlog
« 上一篇 | 下一篇 »
Carson & Friends | 19th Feb 2012 | 康樂活動 | (85 Reads)
時間真係過得好快,家友站四歲生日啦!今年既活動場地真係好有意義,係由社企開嘅餐廳,

服務及食物都令人非常滿意,好值得光顧!今年我們玩嘅遊戲都好創新,好多賓客及會員都玩到笑呵呵,去片就知道大家玩得有幾FUN


我們先分開一組組

Picture

 

呵呵,原來係收賣佬遊戲,有早期公仔頭,有名貴手錶
Picture

跟著...大家估四字成語...大家只用表情及眼神,

又唔可以出聲,確實唔容易估

 

Picture

Picture

Picture

 

切蛋糕,由 Carson 許下家友站生日願望,祝家友站長做長有,更多新血加入!
Picture

 

Picture

 

我們向各合作機構致送紀念品
Picture

Picture

Picture


每一張照片都充滿了大家的 "愛心","回憶"和"經歷"。一點一滴都成為了最美好片段,這一架火車盛載了你們動力,才能夠繼續行駛!

Picture

Picture

 

 

最後,藍色戰衣整裝待發,出年五周年大家再見!

Picture

 

 


活動回顧


By Shirley:
一年一度同一藍天下...家友齊慶生終於完結了,

再一次多謝每一位會員到來支持!以及安徒生會,匡智松嶺三校,香港宣明會,基金會,慈恩學校及親切機構支持!由於時間關係,我們為大家預備了遊戲及小手工都沒法進行,希望下一次在時間控制上我們可以再做得好一些,看到大家在遊戲上玩得好投入,眾裡尋他都好快找到,也能令大家互相認識,了解多一點,另外大家在喜怒哀樂表情上也都做得好好,雖然個名稱又真的好複雜,不過大家也都嘗試去估,面部表情及各位演技真係好好笑!希望你們繼續支持我們!以及多謝我 5 位籌委成員,有新合作 Greeny & EC,以及 Wing, Aunt,Kenny & Simon 協助,沒有你們一起配合,活動真的不可以這麼順利!

我們出年2012五周年再見!

By Lamji:
知道籌委們真係花左好多心機去搞呢個聚會,架火車卡(Card)概念真係好好呀!多謝晒呀~!
「眾裡尋他」呢個遊戲中,我果組既組員有宣明會Alex,安徒生會曲奇姐姐,Andy, Irene, Alice,阿差同我,
大家互相了解真係唔多,唔少更加係第一次見面,所以得到既新資訊都幾多,
要你地每個人都諗一樣野去形容真係唔容易,真係十萬個佩服!

可能大家準備既遊戲同部份環節因為時間關係未能一一奉上,但我相信呢d袋住嚮度,仲有大把機會用得返!
反而我希望往後既週年大會可以多一點分享(如有義工既分享等),等各機構同家友對大家有更深入既了解呢。
每一次經驗都會令下一次做得更好,辛苦晒你地每一位~!!!

By Mandy:
多謝每一位籌備的委員
第一次參加很開心呀!!
真的估每一位的特徵,很有意思~~`現在記得我的,會問一句
絨毛條三眼仔係點嫁?!?! 哈哈

多謝!!多謝!!辛苦你們籌備...還有未玩的GAME,留待下次再玩!!!
期待中~~~

By Irene:
多謝班籌備幹事外,讚吓間餐廳其中一位唐氏綜合症的員工都好細心。他不斷留意盆下面 d 火夠唔夠,有無熄咗呢,熄咗佢會主動叫其他同事幫手加火。

By Archer:
多謝各籌委的努力,為我們準備了這麼有趣的節目!

眾裏尋他很有趣,看得出籌委對我們的認識,亦花了很多心力,構思這些有趣的形容,分組和製作紙條。有時我覺得和其他家友互相所知不多,經過了這遊戲,我更認識其他的家友/機構嘉賓,以後更易打成一片,想搭訕也容易點,哈哈。

很喜歡這次選了社企的場地,能夠在一些弱勢社群人士有份營運的地方聚辦活動,亦是貫徹了助人自助的精神。

那張卡車相令我感受尤深,參加了C&F一年多,說長不長,說短也絕不短,真的感覺到那種互相影響,那種眾志成城。看著車上那麼多面孔,我明白當然不可能每 次活動都那麼大堆頭,但即使只是見過幾面的朋友,能夠因為一顆善心而在這車上一起坐過一程,一起為人做點事,也是一種緣份。(謝謝Greeny,製作一定很不容易吧)

Shirley ,沒有完成全部遊戲也沒關係,我們前面還會有很多生日會的嘛,哈哈。

By Greeny:
第一次做康樂籌委,真係唔易呢~ 呵呵~
可能本身唔係一個識攪氣氛的人,知道當日唔能夠幫到太多手,只好在背後默默耕耘 (做紀念品),哈哈~
多謝阿WING、SHIRLEY、EC 響.....部份其實我都有份主持的節目中,多出聲攪氣氛,而可幸唔少會員都很主動喝采、歡呼,將氣氛推得好熱鬧~
SHIRLEY真係好細心同周到,每一個細節都跟得好足,冇你帶住一定好多甩漏!希望日後大型康樂活動佢都要可以出手相助呀~~

我們在時間控制上做得不夠好,不少地方都失了預算。但也很希望大家以後都可以好好配合,義工服務和康樂活動,希望大家都可以同樣重視~ 在以後的活動中,只要大家都準時出席,就是已經以行動對籌委作出最大的感謝了~

ENJOY WITH C&F

(最後,CHESTER! 其實你當日既衣著官仔骨骨去飲咁,係又型又尊重大會既!只可惜唔係藍色...)

By 彩虹仙子:
轉眼離開左幹事會一年 ;   今年第一次以會員身份參加會慶, 心情比較輕鬆 !
看著C&F 的成長, 轉變 ;  真係百般滋味在心頭 !

踏入第5個年頭, 期望 C&F 繼續健健康康地成長 !
  
P.S. 十分感謝各籌委 : 你們出心出力 我們是接收到的  !