香港新浪網 MySinaBlog
« 上一篇 | 下一篇 »
Carson & Friends | 24th Feb 2012 | 義工服務 | (90 Reads)

一年一度的ACA 護兒慈善行今年來到人傑地靈的昂坪,喺大佛之下舉行,為整個步行籌款添上多一份意義!家友站一如以往,負責氣球義賣籌款,希望為參加者、途人及遊客送上精美氣球造型之餘,也為促進兒童全面成長及發展,推廣一個關懷及無暴力的環境而努力。

今次起步點為昂坪市集內之廣場。Picture

氣球義賣的生意都不錯呢!Picture

Picture

連牛牛都來湊熱鬧
Picture


為小朋友送上氣球時,我們也會問一下他們為什麼要來步行,希望為他們多作講解。
Picture

Picture

還活動中遇上我們的好朋友 - 安徒生會一班可愛小朋友哩!
Picture
Picture

雖然扭得有些累,不過可以為防止虐待兒童的工作出一份力,又可以讓途人知道防止虐兒的重要性,很值得呢!
Picture

忙過後,一班義工去了深經簡林參觀!助人自樂~~YEAH!
Picture

義工感想:

By Wendy
真係辛苦哂各位義工, 晨咁早到東涌集合。呢次真係要比個 "LIKE" 大家, 雖然晨咁早, 不過大家全部無遲到, 而且仲有人超早到添。
講返活動先, 今次整個活動輕輕鬆鬆咁進行, 大家有時間休息, 又有時間睇下其他攤位,好 GOOD 呀~  買波既善心人都好手鬆, 80蚊既造型,佢地都樂意俾夠 100蚊, 而且唔止一兩個係咁添。
最開心見到義工大家互相幫助, 一個造型, 你整個頭, 我整個身, 你又幫手整D手指咁, 呢個感覺, 就係當初認識 C & F 果種互相補位, 互相合作既精神。
好希望呢個精神一直保持落去 ~~

By Carson
昨天真係早到無朋友....0745...東涌。不過C&F的義工真是值得一讚,因為我地無一個人遲到,大家仲早到左添!
天公造美,佛光普照,我地就在大佛腳下開始為ACA義賣氣球公仔喇! 係我地身邊仲有義賣曲奇,鐵線RING同環保有機SOAP。大家都好落力去義賣,希望為ACA,保護兒童出一份力! 回想起,我地C&F成立之後第一個活動就是同ACA合作的,轉眼間手抱咁大的ACA小朋友已經牛高馬大,仲同青蛙哥哥係草地追逐。
因為早上的關係,人流不算太多,大家輕鬆地扭又同善長們有講有笑,感覺真是不錯! 多謝C珍,LAMJI,HELEN,WING及一眾家友為大家準備當日要用的氣球。多謝阿強作出處女式的第一次義賣......氣球。

By Wing
又係一個要非常早起身的活動,天未光就要起身。好彩天公造美,天氣晴朗。
在這個陽光普照的星期日,開開心心的為ACA義賣。
人流不算太多,大家可以一邊同參加者傾傾講講,一邊完成氣球。
非常充實的一天。
Enjoy with C & F!!!

By Lamji
大家真係好叻呀,好早好早就到,雖然有少少眼訓,但係擺個樣出黎都好精靈!好在有個早餐團購小隊,食飽飽先開工!
終於去到市集開檔,好快手大家都扭左d樣版出黎,仲有C珍貼心的魚絲將佢地一一掛起,所以話,有C珍既地方幾時都唔需要操心 lalala~~~
其他Counter義工都好好,大家互相幫襯一下,整個過程都好輕鬆好愉快,全程無拉龍無人流,但係都完全無問題,參加者等既等,捐既捐,都唔係好計較,輕輕鬆鬆反而更多時間同大人小朋友傾下計呢。
唔知今次為ACA籌得幾多善款呢?希望一點點都可以幫助到推廣防止虐兒既訊息。

By Ada
呢次係第一次做咁早既服務! 5:30就出左門口, 結果早左45mins到 @@ 不過早到好過遲到~ 多謝Helen的愛心點心~

一人扭一忽, 六神合體就扭完隻三眼仔了~ d參加者真係好豪爽, 俾左$200之後話要多一隻, 我話: 你加埋呢隻都只係$150咋喎?!

By 阿強
星期日,一班家友站的朋友仔...晨早起床......清新開朗...向著晴朗的一天出發...
果日天氣真係好好...之前我仲有d擔心會唔會落雨......我想落雨義賣氣球會幾狼狽...好彩天公做美...佛光普照......天氣好好...而且大家都一早到達集合地點...我好少參加活動會冇人遲到...哈...哈...
去到義賣攤位...因為一早唔係太多人...加埋黎買氣球的人都好隨和...所以氣氛好舒服...好輕鬆...成個環境唔似係到做緊義賣...似成班朋友係到玩緊......見到d小朋友好開心咁拿住d氣球...自己都會好開心......而且義賣金額最高的 "三眼仔" 原來真係幾受歡迎...我最記得有一對夫婦帶住兩個小朋友...買了好多個氣球公仔...雖然好多人話商業社會中的香港人冷漠...其實另一方面亦有好多人好有愛心...就好似家友站的朋友仔就係好好的例子......
活動之後我地仲去了睇泡泡show同埋參加昂坪導賞團...導賞哥哥好好人(其實應該係導賞弟弟...因為佢應該細過我..哈...哈...)...介紹了好多植物...仲有昂坪的歷史...
雖然今次可能清早時段人流唔係咁多...所以籌到的款項會較少...但係...第一次義賣氣球俾我的感覺好開心...好希望可以再有機會成班朋友一齊再玩過...

By Helen
yeah ~~ 當日真係超開心, 雖然早到要打的去 MTR, 但真係好值得....
當日天公造美, 天氣又好, D 人又好, 好慷慨, 檔口都未擺好, 已經有人嚟買三眼仔喇.. 好快開到單...真係要多謝阿強 D demo.
家長們仲同我地有講有笑添.... 當日感覺好好, 好輕鬆, 無人流情況下竟然一 d 混亂都無喎....真係勁呀...
我都唔知黎爸爸嚟探班喎... 佢話嚟到大佛更係要食吓齋, 又驚我地做到無嘢食, 所以就買嚟比我地吃... so sweet 呀...
仲要好多謝 c 珍搵到有個免費導賞添... 去到 "深經簡林" 仲勾起咗以前 D 回憶... 正...

By Jaman
第一次參加ACA的活動, 講真, 場面比我預料之中冷清. 比起氣球節的扭不停手, 當日扭得真係好輕鬆. 所以除了扭氣球, 大家一有空就會出去幫忙拉下客,  完全發揮C&F的靈活百變本性, 正!!!
有機會同大家晨雞咁早坐住360講鬼古, 真係一大樂事, 亦只有C&F活動先會有d咁ge機會。 Like!
雖然今次的氣球造型比起氣球節相對簡單, 但我並冇鬆懈, 前一日我都有練波架…(真係好乖) …..希望下次可以個人完成3眼仔啦……我覺得我出扭氣球function 的信心又大左, 各位氣球班的同學仔, 如果你地有機會見到呢篇文章, 以後都要積極參加扭氣球的活動呀!!
可惜我當日未能同大家一齊好下場,不過唔緊要, 下次實有機會!!