香港新浪網 MySinaBlog
« 上一篇 | 下一篇 »
Carson & Friends | 27th May 2012 | 義工服務 | (167 Reads)

好緊張好緊張呀~~ C & F 過往都是以步行團隊名義參加奧比斯盲俠行活動,今年係C & F 第一年幫手做義工,別具意義呢~~

天文台已預告當晚得11度但無損大家嘅熱血心情呀~~

我地今次負責兩個極有趣味性嘅攤位,大家睇下d相就知有幾好玩了!

首先就係光影塗鴉 : 一個"黑媽媽"嘅攤位。

Picture

相信大家平時都無咩機會玩呢d 咁潮嘅活動了,其實只要用一d 簡單嘅工具同埋小小技巧就可以影到一幅好似下面咁靚嘅相架喇。義工們好細心咁講解玩法同協助參加者排隊,又同參加者一齊諗下d有趣圖案,有講有笑,超開心~~

PicturePicture

另一攤位就係 Hero corner了!呢個 corner 係比一d 參加左英雄造型比賽嘅步行者留倩影的。我地負責響場內邀請一d 造型突出嘅步行者參加比賽,協助參加者來一幅chok 樣英雄照以及幫忙打印照片。

今年好多造型都相當有睇頭呀!最令人印象深刻嘅就係阿拉伯性感女郎加無石油嘅酋長!為求扮得神似,佢地不畏寒風穿著單薄嘅衣衫直至起步一刻,真係佩服佩服。

另一團隊也不賴耶,以西遊記裡面嘅人物服裝出現,令人不禁想起家英哥的 "On-ly u-u-u-u,can take me 取西經..." (震音mode),結果佢地奪得了其中一項造型獎^^

我地 C & F 雖然無特別嘅造型,但都有影到 "chok 住哂英雄照" ,交足戲架~~

Picture

不經不覺開開心心幾個鐘了,今次大家都好盡興,助人自樂。義工們都齊聲話來年盲俠行要再來做服務。

各位,希望2012年見到你呢 : ))

義工感想:

By Ar Lui
YEAH~ 今次有機會以義工身份,去參加奧比斯o既盲俠行夜行籌款活動,真係好開心呀!
所有參加者同義工朋友都懷著興奮o既心情,完完全全薰陶o左整個運動場地,覺得好似去o左個大Party咁。
當晚負責光影塗鴉攤位o既我,雖然o係帳篷裡面忙過不停,未有機會睇o下帳篷外面墟冚o既盛況,但每一個入來影相o既參加者都帶著開心雀躍o既歡樂,令我完全感受到外面熱鬧o既氣氛,好似大家一齊玩緊咁。
第一次接觸光影塗鴉,要凌空咁想像自己畫緊D咩都真係唔容易!! 不過大家都畫得咁開心,有無技巧已經唔係一回事喇。
大家記得「望住鏡頭, 笑~」!
出年再見!~

By Gwen
好開心今年可以同咁多位家友一齊做盲俠行義工, 往年我都係自己一個混係其他陌生嘅義工隊裡頭, 感覺沒有今年的親切~~
C & F 負責左兩個攤位 :
a) Light painting
檔口長期都有條勁長嘅人龍, 擺明係好野來呀~~
義工們都好有耐性向參加者解釋玩法以及協助排隊。大家又自動自覺對調崗位。仲有上面幅demo, 一萬個like 呀 ~~
但我仲未識塗鴉 skill, 守檔嘅義工得閒教下我呢。   

b) Hero corner
嘩嘩嘩~~ 一睇呢檔就知多野 "目及" , hehehe
好多人組隊以不同造型參加, 最緊要突出 : 性感嘅阿拉伯女郎, 精靈嘅忍者, 可愛嘅鬆弛熊, 維肖維妙嘅西經團......... 仲有好多好多扮相, 簡直目不睱給。如果下年仍然守呢檔, 我都想玩埋一份呀。

雖然當晚好涷但無減各位義工嘅熱誠, 大家都做得好落力好投入, 辛苦哂~~ 期待下年 C & F 更多人參加義工服務~~