香港新浪網 MySinaBlog
« 上一篇 | 下一篇 »
Carson & Friends | 28th May 2012 | 義工服務 | (161 Reads)
今年有幸獲樂智協會再次邀請參加傷健歌舞同展藝幫手做後台服務, 包辦兩場初賽及決賽, 很多謝機構嘅信任~~

是次服務 C & F 負責崗位包括嘉賓及團體報到, 接待, 司儀, 出場安排, 維持觀眾秩序, 計分同埋音響等。好有挑戰性呢, 因為每個位一環扣一環, 如果其中一個出了問題就會影響到成個流程. 所以默契, 合作性及執生三個元素都決一不可的~~

不過,C&F會員個個都係醒目仔女, 合拍度十足再加上機構嘅專業支持,以及大家之間的足夠溝通, 整個比賽都十分流暢順利~~

最令人感動是參加者的勇氣毅力和導師的耐性愛心, 每個比賽單位都十分精彩, 讓社區人士更加認識到不平凡嘅一群能力也可如常人一般,不容看輕。而促進一個平等,傷健共融嘅社區正正是很多人所渴望及應該維持的~~

期待有更多傷健合作的活動及機會, 大家也要多多支持^^

開始前來個briefing 先
Picture

我地嘅司儀又淡定又有台型
Picture
 
觀眾反應熱烈
Picture

評判聚精會神地觀賞及評分
Picture

決賽時的靚靚 backdrop
Picture

多謝機構給予服務機會
Picture

義工感想

By Carson:
又是一年一度樂智協會傷健歌舞同展藝之初賽喇! 呢一日係舞蹈組的初賽,一共有七隊參加,他們好早就來到會場準備,又充滿笑容,我相信其他比賽真是見唔到!

言談之間,我地知道他們每一組都花了好多時間去練習,加上學員的程度各有不同,相信導師都花了不少心機。正如評判所講,他們總是把舞蹈的開心感覺帶到比大家,而當中的投入更加是我地缺乏的。又再一次體驗到快樂原來是這麼簡單!

感謝GWEN GWEN在事前安排好一切又同大會緊密聯繫,令所有義工崗位都運作順利!期待來緊星期六的歌唱組初賽都一樣咁順利,54隊的參加者,場面一定好熱鬧呢!

By Lamji:
聽大家講上年比賽好精彩,雖然只係初賽,但今年有得黎真係好開心呀!得GwenGwen信任,擔任今日大會既司儀,諗返起都覺得好搞笑呀~!!!

Carson講得無錯,參賽者既歡樂嚮其他比賽裡面真係好難見得到,在佢地黎講得失可能都重要,但係佢地一定好享受呢個過程,大家努力練習既成果能夠展現人前,好滿足呢。

我最中意係第一隻舞 - 尋樂,佢地真係好展現得到「尋找快樂」既感覺,好簡單,好開心!雖然比賽只有7隊,輕輕鬆鬆既一個服務,但大家都緊守崗位。黎緊呢個星期六既比賽應該會忙得多!大家要加油呀!*\^O^/*

我既回憶錄又增添豐富既一頁了...

By Edward:
兩日服務都有參與,第一日係跳舞,真係好大驚喜,今次有幸做攝影師,初時唔知佢地會跳d咩,一路捕捉佢地既動作,發現佢地跳既舞都唔簡單,而且仲有好多款,有中國舞,街舞,傻豹,等等,真係大開眼界。

第二日係唱歌,我自問五音不全,唱歌極難聽,所以覺得佢地係唱得好好,而且有樣野好重要,佢地比我優勝,係勇氣!站在台上面對觀眾,真係要好大勇氣,今次我起準備室工作,見到佢地都會好緊張,而且佢地有d實在太準時,一來到就入準備室,冇時間視察下個場,就要上台了,所以真係好佩服佢地!在準備室時,佢地個個都好乖,又nice又主動,有d外表好靜,但一上台就上身,台風盡現,真係好勁。

By Greeny:
我參加左5/11的團體舞蹈初賽的後台工作,雖然唔可以響台下睇到各個隊伍的演出,但響後台近距離睇亦有另一番感受

響台下,或者可以睇到好完美的演出,再自行想像表演者 (包括導師) 的努力,但係響後台唔洗自己想像... 表演者既努力、導師的耐心同愛、對表演的熱情,都實實在在響面前呈現,看得眼框都紅了...

好記得有一隊第一年參加... 跳扇子舞的,上到台,隨著音樂起舞,姑娘一直帶著笑口UP UP比指示D 學員,夾雜住讚好... 好簡單地已經令人感受到佢對學員的愛護同耐心。

其實果D導師都唔係舞蹈上的專業,佢地來唔係為左贏/入決賽,只係為左一個表演,一個過程,一個機會比表演者&觀眾知道「我地都做到」

~感謝本會會員 Gwen 撰寫此文~