香港新浪網 MySinaBlog
« 上一篇 | 下一篇 »
Carson & Friends | 15th Oct 2012 | 義工服務 | (109 Reads)

各位朋友,大家好。我是小龍,是小學一年級學生。

 

剛過去的農曆新年,大家是怎樣過呢﹖我除了跟爸爸媽媽向各長輩拜年外,還參加了宣明會舉辦的新春『童』樂赤腳行活動,行一個新年大運。

 

一進入會場,就看見大會接待大使火龍向各參加者打招呼。跟着見到好多大人及小朋友,面向舞台方向,齊做熱身操。最後大家都脫去鞋子,參加封鞋儀式,開始正式步行了。

 

因為我是第一次參加,所以爸爸媽媽只帶我行最短的路程,到達終點就看見有很多充氣的滑梯,和各種不同的攤位遊戲。包括有非洲鼓、畫人像、絨毛條手工和我最喜歡的扭氣球。各攤位的哥哥姐姐都非常落力呀,而每個攤位只需要$20。所有的收益,都會全數捐到非洲莫柔比克的飢餓兒童。媽媽說:「小龍,你今年收到的利是錢,與其浪費在買玩具上,不如善用它來幫助非洲的小朋友,令到他們得到溫飽,不再飢餓。」所以我就利用了利是錢在各攤位上玩,打打非洲鼓、做絨毛條手工、還有買了義工姐姐扭氣球。真是充實的一天呢。

 

Picture

 

Picture

 

離開時我還問爸爸明年可否再來,明年我希望能乘船到東龍島。

 

各位義工哥哥姐姐,明年見!

 

Picture

 

 

義工心聲:

 

又是一年一度的宣明會新春『童』樂赤腳行,今次我地除了鎮團之寶扭波波之前,還為參加者送出我地最喜歡的絨毛條工作坊呢﹗真是多謝大家用心地與小朋友溝通,送上可愛的氣球及絨毛條精品。

 

雖然人流比上年少左,不過氣氛依舊,仲有非洲鼓在場,真是好熱鬧呢!今次籌得之善款,將用作支持宣明會在非洲莫桑比克推行糧食救援及發展工作,為飢餓兒童及家庭帶來溫飽!

 

希望大家繼續支持不同類型義工活動,繼續把溫暖帶比有需要的人。

(By Carson)

 

今年第一次嚮呢個活動加入絨毛條,而我亦都獻出咗我嘅第一次。

 

參加者步行期間我地幾個一直諗下整d咩Sample出嚟吸引下人,原來真係好好玩架。

 

整咗前一晚睇過嘅花花同螅蜴仔做Sample,點知真係有知音,小朋友仲好有創意,改良做咗隻好多顏色嘅變色龍添啊!

 

GwenGwen教我整嘅皇冠都好靚好受歡迎,仲有扭紋同寶石架,公主Must-have Items XDD

 

不過最深刻梗係Spiderman喇,唔係蜘蛛,係蜘蛛俠啊,哈哈。

 

唔理喇,既然係創作,當然要同小朋友一齊試下喇。

 

最開心係可以同小朋友一齊討論蜘蛛俠係咩色喇,咩樣喇,同咩型態,連佢噴蜘蛛絲隻手勢,身上嘅黑色紋我地都唔馬虎㗎!

 

小朋友話「蜘蛛俠一隻腳長一隻腳短」我R晒頭,之後佢解釋一隻係屈埋咗嘛 XDDD 係喎!

 

結果我地嘅作品當然正喇,我地都好滿意,Hehe

 

一路嘅創作小朋友仲同我講咗好多跟蜘蛛俠有關嘅事呢,當然,佢都知道自己今日係黎幫助有需要嘅人,同蜘蛛俠一樣好叻架!

 

好開心,希望下次再有機會,幫到人之餘又可以同小朋友玩,hehe...

(By Lamji)

 

今年人流真係唔多, 咁就可以好輕鬆同埋多咗時間同 d 小朋友傾計,佢地個個都好叻, 個個都答我:「 點解嚟赤腳行, 因為可以幫到無嘢食o既非洲人。」

扭完個氣球之後, 我就叫 d 參加者去玩埋絨毛條...

 

出年再見大家.... 希望出年多 d 人支持啦....

(By Helen)

 

數數手指,已經係第四年參加呢個活動﹗

 

今年0既扭氣球攤位,比往年少左d人氣﹗ 但反而可以有更多時間,同小朋友傾計及影相﹗問小朋友知唔知參加活動0既目的,大部份都可以答到﹗ 他們不介意晨早起床,亦非常喜歡赤腳行路﹗ ^^

 

係扭氣球之餘,我都有同小朋友講:「 只要捐多一封利是,就可以去隔離攤位玩“絨毛條”﹗」

 

希望非洲小朋友可以個個溫飽,健康成長﹗

 

明年再見~ ^^

(By Maggie)