香港新浪網 MySinaBlog
« 上一篇 | 下一篇 »
Carson & Friends | 27th Oct 2012 | 義工服務 | (159 Reads)

2012年寰宇希望長者希望日,看C&F參加人數就知道這是重頭戲之一。大清早大家無懼天寒地凍來到會場領取物資,物資都是一些長者日常會用的東西(米、油、麵等),非常適合。

Picture

Picture
Picture
然後是一個很有趣的環節,就是將一個個平凡的布袋變成獨一無二,滿載心意的福袋。你看我們又蹲又跪連垃圾桶都用上便知道大家有多投入。

Picture

Picture

Picture

Picture

當然,比起物資和福袋,最重要的還是義工們探訪長者,聊天歡聚那份暖意呢。祝長者們新春愉快!義工們我們明年再見,再一起送暖!
Picture

Picture
=========================
義工感想

第二次探訪,長者希望日連同好鄰居計劃義工,C&F一行廿幾人好熱鬧呀!今年件藍色Tee好靚仔喎,呵呵。
同往年一樣,大家低頭密密畫,好比心機呀!製成品各有特式,真係好靚架!
Jaman小姪女實在係太可愛,可唔可以多d帶佢出黎呀?我都好「笠」佢呀!!!

由於啟業黎婆婆跟左Helen佢地組,今日我地去探另一位幸福村92歲獨居既梁婆婆。
梁婆婆因為年紀大身體唔好,好多家務都唔可以自己做,屋企都比較多雜物,但佢都好精靈好可愛,明白到注意防止跌到既重要性!梁婆婆仲請我地食東莞有名既花生芝麻糖添!hehehe
婆婆收到福袋好開心(係我畫架!),仲特別中意果隻風車添~!希望新一年婆婆繼續身體健康,多d人去探佢。

黎到藍田黎婆婆屋企,佢已經等緊我地喇。
聖誕期間因為感冒去唔到街街,即刻約實新年再出動!
今次希望去得成喇,睇得出婆婆都好期待,因為佢已經諗好晒我地既行程喇,哈哈哈哈,連電車河都諗埋架~
By Lamji

第一次參加長者希望日,好多人呀。看到這麼多有心的義工,雖然天寒地凍,未出發都有點暖了。原來我們要畫畫裝飾福袋,對毫無藝術天分的我這有點難度,不過既是一點心意,我相信長者都不會太介意我的劣作吧,哈哈。

我 們這組來到愛民村,先探望上次緣慳一面的李婆婆。李婆婆很精神,也很健談,雖然和其他長者一樣愛話當年,李婆婆也很留意現在的新聞,談時事亦絕不是問題 呢。期間出現了兩個好靦腆的小姑娘也是來探訪李婆婆的,不過她們的福袋沒有畫,我忽然覺得我們的福袋比較厲害,呵呵。不過,最重要是長者覺得熱鬧,開心, 過個肥年。

之後探訪關婆婆,我們一來到,公公婆婆已整裝待發,原來公公想去飲茶,簡直是和未吃午飯的我們心靈相通呀。婆婆乖點拿拐杖,公 公步履比較穩但總是不聽話要用雨傘當拐杖。我們來到紅磡一間很擁擠的酒樓,原來他們都滿喜歡飲茶的(公公很愛吃薄撐)。看到公公婆婆很雀躍的樣子,我們還 想準備下次和他們打邊爐呢。
By Archer

2012年第一次的義工活動
第一次派福袋,第一次即場DIY發揮我的藝術天份
EC 是我的組長,因為他的手弄傷了,我們3位小組員分工合作,女子組畫福袋,男子組影相....好開心件TEE顏色好靚仔,同C&F一樣藍色為主!! 想讚大會,我們去拿TEE的時候,工作人員跟我說,CARSON C&F既已經一箱留起哂大家的SIZE啦~~~~嘩,好感動!!CARSON,THX呀!!! 因為當時大會的M TEE無哂貨囉~~~

好! 講番探婆婆情況,第一次坐大會的旅遊巴往彩雲出發,先探94歲婆婆,好精神,雖然房間比較雜亂,但她的女兒有時候探望她,幫她拿高處東西的,還在門口貼了 張海報提醒出門七件事....我親自幫婆婆帶上鮮黃色頸巾,佢話顏色好靚....我們影合照後,佢睇到張相講左句"我都話嫁啦,我影相幾時都咁上 鏡"~~~~嘩,婆婆真係好潮呀!
佢仲講自己無老花,仲可以穿針連線~~~~勁!!!

之後去隔離座探74歲陳婆婆,一早已經大門 打開,傳來陣陣香味,正在煮食中....婆婆好健康,滔滔不絕講自己的家庭,佢屋企非常清潔整齊!簡直同岩岩裝修完全無分別,她看到福袋的東西很開心,不 斷說多謝我們~~因為當時1點幾,婆婆趕著2點睇大戲,我們急促短談一會便走了
By Mandy

今次係第一次去探訪黎婆婆, 初時都抱住戰戰兢兢o既心情..當同婆婆傾傾下, 已經無咁驚喇... 黎婆婆其實都好好傾...
而且講咗好多佢o既事比我同樂文聽..... 仲有多謝機構送咗咁多禮物比佢添噃.. 婆婆都好精靈, 原來佢已經識得
自己買 d 黑芝麻混合麥皮食, 勁健康喎...

之後我地就去探伯伯同婆婆, 由於佢地屋村係無酒樓, 所以我地就外賣咗下午茶上去一齊食喇, 我一去到就話好肚餓, 伯伯就講番佢以前捱餓事跡,
佢仲講到眼濕濕添呀... 我地仲買咗龍年公仔揮春同福字揮春同佢地佈置,伯伯同婆婆好開心, 佢地都好健康, 好精神...同埋好多謝機構送o既福袋,仲大讚文仔畫功好得, 好靚添....

期待下次再同老友記見面
By Helen

今年探望的是兩位婆婆,在電話中,她們都向我說有很多節目,都說需要趕下場呢!原來兩位都常到附近的中心參加活動,中心姑娘為她們安排很多活動呢!

由於第一次需要坐旅遊巴到探訪長者的家,所以預約時間上有點不知所措,幸好還有時間和她們傾談。

在未到達時老友記家時,組員都擔心如何打開話匣子,幸好少少引導之下,組員都和婆婆她們談得不願停呢!^^

非常期待下年度的活動,再搵多些朋友參加服務
By EC